SPANJA

Një vend në Gadishullin Iberik në jugperëndim të Evropës. Apostulli Pavël shpresonte që pasi të vizitonte të krishterët e Romës, bashkëbesimtarët atje ta përcillnin një copë udhë kur të shkonte në Spanjë. (Ro 15:23, 24, 28) Nuk është e sigurt nëse apostulli shkoi ndonjëherë në Spanjë. Megjithatë, Klementi i Romës tha (rr. 95 e.s.) se Pavli shkoi «deri në kufirin më të skajshëm të Perëndimit», që mund të përfshinte Spanjën. (Etërit e Kishës para Këshillit të Nicesë, vëll. I, f. 6, «Letra e parë e Klementit drejtuar Korintasve», kap. V) Nëse Pavli shkoi në atë vend, ndoshta e vizitoi në periudhën midis lirimit nga burgimi i parë në Romë (rr. 61 e.s.) dhe burgimit të dytë në të njëjtin qytet rreth vitit 65 të e.s. Në atë kohë Spanja ishte nën sundimin romak. Disa thonë se Tarshishi ishte pjesa jugore e Spanjës.—Shih TARSHISHI nr. 4.