REGJIUMI

Një qytet në jug të Italisë që sot quhet Rexhio ose Rexhio di Kalabria. Anija me të cilën apostulli Pavël po udhëtonte si i burgosur, bëri një ndalesë në Regjium kur ai po shkonte të dilte para Cezarit në Romë, rreth vitit 59 të e.s.

Regjiumi ndodhet në ngushticën e Mesinës, e cila ndan Italinë nga Sicilia. Në veri të Regjiumit, anija me të cilën po udhëtonte Pavli duhej të lundronte midis kepit të Skillës, në krahun kontinental të ngushticës, dhe vorbullës Karibda në anën siciliane, të cilët konsideroheshin që të dy të rrezikshëm nga marinarët e lashtë. Një ditë pas mbërritjes së tyre në Regjium, fryu juga, e cila i shtyu shëndoshë e mirë përmes ngushticës dhe i çoi në veri-veriperëndim deri në Puteoli.​—Ve 28:13.