MOREHU

1. Të paktën që nga koha e Abrahamit pemët e mëdha të Morehut ishin një pikë referimi e njohur pranë Sikemit dhe, me sa duket, kjo vazhdoi për shekuj. (Zn 12:6; Lp 11:30; ndoshta bëhet fjalë për to edhe te Zn 35:4; Js 24:25, 26; Gjy 9:6.) Disa studiues e lidhin ‘pemën e madhe të Meonenimit’ me ‘pemët e mëdha të Morehut’. (Gjy 9:37) Moreh ndoshta quhej pronari i parë i truallit pranë Sikemit, ku kishte një pemë që spikaste më tepër a një zabel me pemë të mëdha.

2. Emri i një kodre pranë së cilës Gideoni mposhti midianitët. (Gjy 7:1) Në përgjithësi mendohet se kjo kodër është kreshta e zhveshur e hirtë e Jebel-Dahit (Givʽat-ha-Moresë), rreth 8 km në veri të vendndodhjes së mundshme të pusit të Harodit.