LUHITI

[nga rrënja e fjalës që do të thotë «pllakë; dërrasë»].

Vend i përmendur në profecitë e gjykimit kundër Moabit. (Is 15:1, 5; Jr 48:5) Disa studiues mendojnë se Luhiti ishte qytet moabit që ndodhej majë një të përpjete. Sipas Eusebit dhe Jeronimit, ishte vendi i quajtur Lueita. Kështu, Luhitin e lidhin ose me Rujm-Madinat-er-Rasin, rreth 20 km në jugperëndim të Karakut, ose me Kirbet-Fasin fqinj. Sipas një pikëpamjeje tjetër, Luhiti nuk ishte qytet, por thjesht një e përpjetë a shpat nga do të iknin duke qarë mërgimtarët moabitë.​—Krahaso Nu 34:4.