HEFERI

[1-3: ai ka shqyrtuar.]

1. Bir i Galaadit dhe stërnip i Manaseut; paraardhës i heferitëve. (Nu 26:29, 30, 32; 27:1) Heferi ishte i ati i Zelofehadit që njihet si ai që nuk pati asnjë djalë, por vetëm pesë vajza, rast që shërbeu si precedent ligjor për të trajtuar çështjet e trashëgimisë kur nuk kishte pasardhës mashkull.​—Nu 26:33; 27:1-11; Js 17:2, 3.

2. Pasardhës i Judës; biri i Ashurit nga gruaja e tij, Nara.​—1Kr 4:1, 5, 6.

3. Mekeratit; një nga luftëtarët më me emër të Davidit.​—1Kr 11:26, 36.

4. [Gërmim (d.m.th. gropë uji).] Me sa duket një qytet dhe një krahinë në perëndim të Jordanit. Mbreti i qytetit kananit të Heferit ishte një ndër ata që mundi Josiu. (Js 12:7, 8, 17) Në kohën e Solomonit, krahina e Heferit, si edhe Sokohu, ishin në juridiksionin e një nëpunësi që kishte emëruar ai. (1Mb 4:7, 10) Nuk dihet me saktësi vendndodhja e Heferit të lashtë. Disa mendojnë se vendndodhja e tij është Tell-el-Ifshari (Tel-Heferi), rreth 40 km në veri-verilindje të Tel-Aviv-Jafos.