GIBETONI

[kurriz; bregore].

Qytet që fillimisht iu caktua fisit të Danit (Js 19:40, 41, 44), por më pas iu dha kehathitëve si qytet levit. (Js 21:20, 23) Shekuj më vonë, ishte nën kontrollin e filistinëve e pikërisht ndërsa mbreti Nadab i Izraelit po përpiqej t’ua merrte qytetin, komplotisti Baasha e vrau. (1Mb 15:27) Gibetoni ishte në dorë të filistinëve rreth 24 vjet më pas kur Omri, kreu i ushtrisë së Izraelit, fushoi për të luftuar kundër tij. Pasi izraelitët që kishin fushuar këtu e shpallën mbret, Omri çau rrethimin e Gibetonit që të sulmonte rivalin e tij Zimrin, mbretin e Izraelit.​—⁠1Mb 16:15-18.

Gibetonin në përgjithësi e lidhin me Tell-el-Melatin (Tel-Malotin), afro 9 km në veri të vendndodhjes së mundshme të Ekronit, qytet filistin.