GERSHOMI

[një i ardhur atje].

1. Djali i Levit, birit të Jakobit, që përmendet i pari. Ai ishte i ati i Libnit dhe i Shimeit. (1Kr 6:16, 17, 20, 43, 62, 71) Quhet edhe Gershon.​—Zn 46:11; Da 6:16, 17; Nu 3:17, 18; 1Kr 6:1; 23:6.

2. Djali i parëlindur i Moisiut dhe i Ziporës; lindi në Midian. (Da 2:21, 22; 1Kr 23:14-16) Vjehrri i Moisiut, Jetroi, vajti te Moisiu në shkretëtirë bashkë me gruan e Moisiut, Ziporën, dhe dy djemtë e tyre, Gershomin dhe Eliezerin. (Da 18:2-4) Jonatani, pasardhës i Gershomit, shërbeu si prift për danitët, por kjo ishte e paligjshme, sepse, megjithëse ishte levit, ai nuk bënte pjesë në familjen e Aaronit.​—Gjy 18:30.

3. Kreu i shtëpisë atërore të Finehasit, i cili u kthye nga Babilonia bashkë me Ezdrën.​—Ezd 8:1, 2.