GAJI

[nga rrënja e fjalës që do të thotë «tokë»].

1. Maqedonas ose maqedon që shoqëroi apostullin Pavël në udhëtimin e tretë misionar. Atë bashkë me Aristarkun i çuan me forcë në teatrin e Efesit kur argjendari Dhimitër ndezi një trazirë.​—Ve 19:29.

2. I krishterë nga Derba në Azinë e Vogël që bashkë me gjashtë të tjerë shoqëroi apostullin Pavël në udhëtimin e fundit misionar. Gaji dhe të tjerët me sa duket u ndanë nga Pavli dhe shkuan në Troadë, në bregun perëndimor të Azisë së Vogël, ku pritën të ribashkoheshin me të. (Ve 20:4, 5) Ky mund të jetë Gaji nr. 1, meqë në tregim përmendet edhe Aristarku. Nëse është kështu, kjo mund të nënkuptojë se Gaji ishte maqedon (ose e kishte prejardhjen andej), por banonte në Derbë.

3. I krishterë nga Korinti, të cilin e pagëzoi vetë Pavli. Kur u shkroi letrën e tij romakëve, Pavli ishte mysafir te ky Gaj që kishte hapur shtëpinë për të dhe për kongregacionin. Pra duket se mbledhjet e kongregacionit të Korintit mbaheshin në shtëpinë e tij.​—1Ko 1:14; Ro 16:23.

4. I krishterë të cilit apostulli Gjon i shkroi letrën e tij të tretë të frymëzuar nga Perëndia. Gjoni e lavdëroi që po ecte në të vërtetën e, për sa i përkiste mikpritjes, po shfaqte besueshmëri dhe dashuri.​—3Gjo 1, 3-6.