BINUI

[formë e shkurtuar e emrit Benajah që do të thotë «Jehovai ka ndërtuar»].

1. Izraelit; më shumë se 600 pasardhës të tij u kthyen në Jerusalem në vitin 537 p.e.s. (Ne 7:6, 7, 15) Tek Ezdra 2:10 quhet Bani.

2. Levit që u kthye me Zorobabelin në vitin 537 p.e.s. (Ne 12:1, 8) Me sa duket i biri, Noadjahu, u kujdes për pajisjet e tjera të tempullit që Ezdra çoi në shtëpinë e Perëndisë në Jerusalem në vitin 468 p.e.s.​—Ezd 8:33.

3. Një nga «bijtë e Pahath-Moabit» që larguan gratë e huaja dhe bijtë sipas inkurajimit të Ezdrës.​—Ezd 10:30, 44.

4. Izraelit, disa ‘bij’ të të cilit larguan gratë e huaja.​—Ezd 10:38, 44.

5. Izraelit, bir i Henadadit, që ndihmoi Neheminë për të rindërtuar murin e Jerusalemit. (Ne 3:24) Mund të ketë qenë Binui nr. 6.

6. Levit, bir i Henadadit. Ndoshta paraardhësi i një burri që miratoi ‘marrëveshjen e denjë për besim’ në kohën e Nehemisë; nëse është kështu, ai mund të ketë qenë Binui nr. 2. (Ne 9:38; 10:1, 9) Nga ana tjetër, nëse këtë marrëveshje e vulosi vetë Binui dhe jo një nga pasardhësit e tij, atëherë mund të ketë qenë Binui nr. 5. Ose mbase ishte thjesht dikush tjetër po me atë emër.