Ja një model​—Davidi

Davidi e do muzikën. Ai është një muzikant i talentuar dhe shkruan këngë të bukura. Jo vetëm kaq, por edhe instrumentet i bën vetë. (2 Kronikave 7:6) Është kaq i zoti, sa mbreti i Izraelit i kërkon të luajë muzikë në oborrin mbretëror. (1 Samuelit 16:15-23) Davidi pranon, por nuk i hipën vetja ne qejf, as nuk lejon që muzika të bëhet gjëja më e rëndësishme për të. Përkundrazi, e përdor talentin e tij për të lëvduar Jehovain.

Po ti, a e do muzikën? Mund të mos jesh talent në muzikë, por prapëseprapë mund të imitosh shembullin e Davidit. Si? Duke mos lejuar që muzika të bëhet gjëja më e rëndësishme në jetën tënde ose të të shtyjë të mendosh e të veprosh në mënyra që i sjellin sharje Perëndisë. Përkundrazi, përdore muzikën për ta bërë jetën më të gëzueshme. Aftësia për të krijuar muzikë dhe për ta shijuar është një dhuratë nga Perëndia. (Jakovi 1:17) Davidi e përdori këtë dhuratë siç i pëlqente Jehovait. A do të bësh edhe ti po njësoj?