Ngjarja më e rëndësishme në histori

Ajo ngjarje ishte vdekja e Jezu Krishtit. Pse e themi këtë?

Sepse shërbeu për të shfajësuar drejtësinë e Perëndisë, duke treguar se një njeri mund të mbajë integritet të përsosur ndaj tij.

I dha njerëzimit mundësinë që të marrë jetën e përhershme në një parajsë tokësore.

Vetë Jezui e themeloi përkujtimin e vdekjes së tij, natën para se të vdiste. Ishte një ceremoni e thjeshtë. Gjatë saj, Jezui u tha dishepujve: «Vazhdoni ta bëni këtë në kujtimin tim.»—Luka 22:19, 20.

A do ta kujtoni?

Dëshmitarët e Jehovait ju ftojnë që bashkë me ta të kujtoni ngjarjen më të rëndësishme në histori. Këtë vit, data është e shtunë, më 22 mars, pas perëndimit të diellit. Ju lutemi, pyetni në Sallën e Mbretërisë në zonën tuaj për orën dhe vendin e saktë. Nuk do të bëhet mbledhje parash dhe vizitorët janë të mirëpritur të dëgjojnë një fjalim domethënës e të vërejnë ceremoninë e thjeshtë që do të mbahet.