Mashoko Emuzasi

a Vamwe vaKristu vanoshanda muzvipatara vaitofanira kufunga iyi nhau yesimba. Chiremba angave nesimba rokuhodha mishonga kana simba remitoo yokurapa nayo murwere. Kunyange kana murwere asingarambi, chiremba wechiKristu ane simba angarayira sei kuisirwa ropa kana kubviswa kwepamuviri, achiziva zvinotaura Bhaibheri panhau dzakadaro? Nenzira yakasiyana, mukoti anoshanda pachipatara haangavi nesimba rakadaro. Sezvaanoita basa renguva dzose, chiremba angamurayira kuongorora ropa nokuda kwechinangwa chakati kana kutarisira murwere akauya kuzobviswa pamuviri. Maererano nemuenzaniso wakanyorwa pana 2 Madzimambo 5:17-19, angagumisa kuti sezvo asiri iye ane simba rokurayira kuisira ropa kana anobvisa pamuviri, anogona kuita mabasa emutsa anoitirwa murwere. Chokwadika, anofanira kuramba achifunga hana yake, kuti ‘agofamba pamberi paMwari nehana yakachena.’—Mabasa 23:1.