Wedzera Kuvimba Kuti Jehovha Achakununura

Verenga Numeri 13:25–14:4 kuti uone kuti vaIsraeri vakatadza sei kuvimba naJehovha.

Ongorora zvaiitika. Nei vaIsraeri vaifanira kuva nechivimbo chekuti Jehovha aizovanunura? (Pis. 78:​12-16, 43-53) Chii chakaita kuti vapedzisire vasisavimbe naJehovha? (Dheut. 1:​26-28) Joshua naKarebhi vakaratidza sei kuti vaivimba naJehovha?—Num. 14:​6-9.

Tsvakurudza. Zvii zvingadai zvakaitwa nevaIsraeri kuti vawedzere kuvimba naJehovha? (Pis. 9:10; 22:4; 78:11) Kuremekedza Jehovha kunotibatsira sei kuti tivimbe naye?—Num. 14:11.

Tsvaga zvidzidzo zvacho. Zvibvunze kuti:

• ‘Zvii zvinogona kuita kuti ndiomerwe nekuvimba naJehovha?’

• ‘Zvii zvandingaita kuti ndiwedzere kuvimba naJehovha iye zvino uyewo mune ramangwana?’

• ‘Kutambudzika kukuru pakuchatanga, nei ndisingazofaniri kutya?’—Ruka 21:​25-28.