KURARAMA KWECHIKRISTU
Raramira Jehovha!
Upenyu chipo chinokosha. Mararamiro atinoita anoratidza kuti tinokoshesa chipo ichi here kana kuti kwete. SeZvapupu zvaJehovha, tinoedza kushandisa matarenda edu neunyanzvi hwedu kukudza Jehovha uye kumushumira, sezvo ari iye akatipa upenyu. (Pis 36:9; Zva 4:11) Asi nhamo dzeupenyu munyika ino yakaipa dzinogona kuita kuti tisakoshesa zvinhu zvekunamata. (Mk 4:18, 19) Mumwe nemumwe wedu anofanira kuzvibvunza kuti: ‘Ndiri kupa Jehovha zvakanakisisa here? (Ho 14:2) Basa rangu harisi kundikanganisa here panyaya dzekunamata? Ndezvipi zvinangwa zvekunamata zvandinazvo? Ndingawedzera sei ushumiri hwangu?’ Kana ukaona kuti pane panoda kugadziriswa, nyengetera kuti Jehovha akubatsire uye pagadzirise. Kurumbidza Jehovha zuva nezuva kunoita kuti upenyu hunakidze uye hugutse!—Pis 61:8.
Ndiani wauri kupa matarenda ako?
ONAI VHIDHIYO INONZI SHANDISA TARENDA RAKO KUSHANDIRA JEHOVHA, MOZOPINDURA MIBVUNZO IYI:
Nei kusiri kuchenjera kupa nyika yaSatani tarenda rako? (1Jo 2:17)
Makomborero api anowanikwa nevaya vanopa Jehovha zvakanakisisa?
Mabasa api ekunamata aungazvipira kushandisa matarenda ako neunyanzvi hwako?