Shandisa Mavhesi Ari Pakati Pepeji muBhaibheri

MuBhaibheri—Shanduro yeNyika Itsva mune mavhesi anenge akanyorwa pakati pepeji. Chinangwa chemavhesi aya ndechekukubatsira kuona kupindirana kunoita mavhesi emuBhaibheri. Mavhesi iwayo ari pakati pepeji anenge ainewo mamwe mashoko anoenderana nenyaya yaunenge uchiverenga. Paunenge uchiverenga rimwe vhesi, unogona kuona kabhii kanenge kakaiswa pamberi perimwe shoko. Kana uri kushandisa Bhaibheri rakaprindwa, enda pakati pepeji wotsvaga kabhii kakafanana nekaunenge waona. Ipapo ndipo paunoona mamwe mavhesi anoenderana neraunenge uchiverenga. Kana uri kushandisa jw.org kana kuti JW Library^®, chingobaya kabhii kacho uye panobva patobuda mavhesi anoenderana nerauri kuverenga.

Mavhesi iwayo anogona kukubatsira kuwana zvinhu zvakawanda kusanganisira:

Panowanika nyaya yakafanana neyauri kuverenga mune rimwe bhuku reBhaibheri. Semuenzaniso, ona 2 Samueri 24:1 na1 Makoronike 21:1.

Pakatorwa mashoko ari muvhesi rauri kuverenga: Semuenzaniso, ona Mateu 4:4 naDheuteronomi 8:3.

Kuzadziswa kweuprofita: Imwe vhesi inenge ichitaura uprofita, imwe ichitaura kuzadziswa kwahwo. Semuenzaniso, ona Mateu 21:5 naZekariya 9:9.