Unokwanisa Kutsungirira Dambudziko Rekushaya Mari

Upenyu mumazuva ano ekupedzisira hwakazara nematambudziko. Patiri kuramba tichiswedera pedyo nemugumo, zvinhu zvichatowedzerawo kuoma. Tinogona kumboshaya zvinhu zvatinoda pakurarama. (Ha 3:16-18) Chii chingatibatsira kuti tikwanise kutsungirira dambudziko rekushaya mari? Tinofanira kuramba tichivimba naMwari wedu, Jehovha. Akavimbisa kuti achachengeta vashumiri vake, uye anokwanisa kutipa zvatinoda pasinei nekuti zvinhu zvakamira sei muupenyu hwedu.—Pis 37:18, 19; VaH 13:5, 6.

Zvaunogona kuita:

• Kumbira Jehovha kuti akutungamirire, akupe uchenjeri uye akutsigire.—Pis 62:8

• Bvuma basa raunenge wawana kunyange usina kumbobvira wakariita.​—g 4/10 24-25, mabhokisi

• Ramba uchiita zvinhu zvekunamata zvakadai sekuverenga Bhaibheri, kupinda misangano yeungano uye kuita basa rekuparidza

ONA VHIDHIYO INONZI VAKA IMBA ICHARAMBA YAKAMIRA—“GUTSIKANA NEZVINHU ZVINENGE ZVIRIPO,” WOZOPINDURA MIBVUNZO INOTEVERA:

• Dzimwe mhuri dzakasangana nematambudziko api?

• Chii chinonyanya kukosha muupenyu?

• Zvii zvatingaita kuti tibatsire vaya vanenge vaine dambudziko rekushaya mari?