Ramba Uchidzidzisa Simba Rako Rekunzwisisa

Mutambi webhora anofanira kugara achisimbisa mhasuru dzake kuti arambe ari nyanzvi. Isuwo tinofanira kuramba tichiita zvese zvatinogona kuti tidzidzise simba redu rekunzwisisa. (VaH 5:14) Kunyange zvazvo tingaona zviri nyore kutevedzera zvisarudzo zvevamwe, tinofanira kudzidza kushandisa pfungwa dzedu tozvisarudzira tega zvatichaita. Nei tichifanira kudaro? Mumwe nemumwe wedu achazvidavirira pazvisarudzo zvaanoita.—VaR 14:12.

Hatifaniri kufunga kuti tichangoerekana taita zvisarudzo zvakanaka nekuti tava nemakore akawanda tabhabhatidzwa. Kuti tiite zvisarudzo zvekuchenjera, tinofanira kunyatsovimba naJehovha, neShoko rake, uye nesangano rake.—Jos 1:7, 8; Zvi 3:5, 6; Mt 24:45.

ONA VHIDHIYO INONZI “IVAI NEHANA YAKANAKA,” WOZOPINDURA MIBVUNZO INOTEVERA:

• 

  Emma aifanira kuita chisarudzo chipi?

• 

  Nei tisingafaniri kutaura zvatinofunga panyaya dzinosiyirwa hana yemunhu?

• 

  Mumwe murume nemudzimai vakapa Emma mazano api akanaka?

• 

  Emma akawana kupi mashoko akamubatsira panyaya yake?