Yeuka Mudzimai waRoti

Nei mudzimai waRoti akacheuka pavaitiza muSodhoma? Bhaibheri haritauri. (Ge 19:17, 26) Zvakataurwa naJesu zvinoratidza kuti anogona kunge aifunga zvinhu zvaakanga asiya. (Ru 17:31, 32) Zvakaitika kumudzimai waRoti zvinotidzidzisei? Kana tichida kufarirwa naMwari, hatifaniri kuisa pfuma pekutanga muupenyu hwedu. (Mt 6:33) Jesu akadzidzisa kuti ‘hatigoni kushandira Mwari pamwe chete nePfuma.’ (Mt 6:24) Ko kana tikaona kuti kuda pfuma kwava kutivhiringidza pakunamata? Tinogona kunyengetera kuna Jehovha kuti atipe uchenjeri hwekuona kuti ndepapi patinofanira kugadzirisa uye kuti tive neushingi hwekuzopagadzirisa.

FUNGA ZVAWAKAONA MUVHIDHIYO INE ZVIKAMU ZVITATU INONZI YEUKA MUDZIMAI WAROTI, WOZOPINDURA MIBVUNZO INOTEVERA:

• 

  Kuda pfuma kwakakanganisa sei mafungiro aGloria, matauriro ake nemaitiro ake?

• Nyaya yemudzimai waRoti inotidzidzisei?

• Kushandisa zvinotaurwa neBhaibheri kwakabatsira sei Joe nemhuri yake?

• Shamwari dzaAnna dzekubasa dzakanga dzava kumukanganisa sei pakunamata?

• Nei tichifanira kuva neushingi kana tikamanikidzwa kuisa pfuma pekutanga?

• Brian naGloria vakaita sei kuti vatangezve kuisa zvinhu zvekunamata pekutanga?

• Ndeapi mazano emuBhaibheri ari muvhidhiyo iyi?