Kupupurira—To the Ends of the Earth

Ndivanaani vangangoona vaonazve vhidhiyo inonzi To the Ends of the Earth? Ndevaya vane chinangwa chokuva mamishinari. Nei? Kuti vajairane neChikoro cheBhaibheri cheWatchtower cheGiriyedhi. Vhidhiyo yacho inoratidza kupembererwa kwomusi wegore negore kwechi50 kwechikoro ichi chakasiyana nezvimwe icho chakatangwa kuti basa rokupupurira ku“migumo yose yenyika” riwedzerwe. (Pis. 22:27) Kuiona kuchawedzera kukoshesa kwaunoita basa rinokosha zvikuru rokuparidza mashoko akanaka uye kuchakuita kuti ude kuwedzera basa racho. Pindura mibvunzo iyi: (1) Kumavambo kwema1940, sangano raJehovha rakanga riine hanya zvikuru nechii? (Mab. 1:8) (2) Muna 1942, uprofita hweBhaibheri hupi hunotyisa hwakanga huri kuzadzika, uye maonero edu akanga akasiyana sei neenyika yose? (Zvak. 17:8; w89-CA 4/15 p. 14 ndima 12) (3) Zvirongwa zvipi zvakaitwa zvokushandisa nguva yaitarisirwa yorugare Hondo Yenyika II yapera? (jv-CA p. 522 ndima 1-2) (4) Vadzidzi vekirasi yokutanga yeChikoro cheGiriyedhi vaiva nounhu hupi hwaunoyemura? (5) Mumakore 50 okutanga eGiriyedhi, vadzidzi vangani vakagirajuweta, uye vakatumirwa kunyika ngani? (6) Chaizvoizvo vadzidzi vacho vakawana dzidzo yakawanda zvakadini muBhaibheri? (7) Chii chinoita kuti mumwe ave mumishinari akanaka uye mudzidzisi weShoko raMwari? (8) Upenyu hwoumishinari hwakaita sei, uye zvinetsoi zvinofanira kutarisanwa nazvo? (9) Mamishinari anonzwa sei nezvemararamiro awo, uye mufaroi chaiwo unovapo muupenyu hwawo hwokuzvipira? (10) Kusvikira panguva ino zviuru zvemamishinari zvaitei? Ipa mienzaniso. (11) Unonzwa sei nezvehama nehanzvadzi dzakaenda “kumigumo yenyika” kunoparidza? (12) Muenzaniso unoratidzwa nemamishinari unokukurudzira kuitei, uye nei?