Zviri Mukati

Nyaya ino inoratidza kuti rugwaro rwedu rwegore rwa2017 ruchatikurudzira sei kuti tivimbe naJehovha kuti atibatsire patinosangana nematambudziko. Mienzaniso yevanhu vakatendeka vakararama kare ichatidzidzisa kuti tingavimba sei naJehovha kuti atitsigire ukuwo tichiedza kuita zvese zvatinogona kuti tigadzirise matambudziko edu uye kubatsirawo vamwe.

Munyaya ino, tichadzidza kuti tingakoshesa sei chipo chatakapiwa naMwari cherusununguko rwekusarudza kuburikidza nekuchishandisa nenzira inomufadza. Ichatibatsirawo kuona kuti tingaremekedza sei mashandisiro anoita vamwe chipo ichi.

Nyaya idzi dzichatibatsira kuti tiwedzere kunzwisisa chinonzi kuva nemwero. Nyaya yekutanga inotsanangura kuti kuva nemwero kunorevei uye kuti hakurevi chii. Nyaya yechipiri inotidzidzisa kuti tingaramba sei tiine mwero kunyange patinoedzwa.

Nguva zvainenge ichifamba, hama dzakura dzinodzidzisa hama dzechidiki kuti dziite mamwe mabasa musangano raJehovha. Nyaya ino inoratidza kuti hama dzakura nehama dzechidiki dzingashanda sei pamwe chete kuti izvi zvibudirire.