Zvokwadi yeEvhangeri

ZVIMEDU zviduku zvitatu zvemanyoro eEvhangeri yaMateo, zvinozivikanwa seP⁶⁴, zvave zvine Magdalen College muOxford, England, kubvira muna 1901. Kwenguva yakati, nyanzvi dzaidavira kuti zvaisvika shure kurutivi rwapashure rwezana ramakore rechipiri C.E.

Nguva pfupi yapfuura, Carsten P. Thiede, imwe nyanzvi yemanyoro akanyorwa panhokwe muPuderborn, Germany, akaita kunzvera kwakakwana kweP⁶⁴, yakaumbwa nemativi endima 10 dzomuna Mateo ganhuro 26. Mugumisiro wacho? Achinyora muZeitschrift für Papyorologie und Epigraphik (Journal of Papyrology and Epigraphics), Thiede anorondedzera zvidimbu zveOxford se“chimedu chekodhekisi yechiKristu yezana rokutanga ramakore, zvichida (kunyange hazvo zvakadaro) inotangira AD 70.”

Tsinhiro dzaThiede dzakaparira nyanduko huru mune zvinobudisa nhau uye muvanhu vakadzidza. Nemhaka yei? Nemhaka yokuti chiri kugamuchirwa sechikamu chasara chekaresa chorugwaro rwemuEvhangeri iP⁵², chimedu cheEvhangeri yaJohane chinovambira munenge muna 125 C.E., kana kuti kasati kari kare kupfuura zana ramakore rechipiri.

Kana musi mutsva wakapiwa zvimedu zvemanyoro apanhokwe P⁶⁴ uchagamuchirwa zvikuru zvichada kuoneka. Zvisinei hazvo, musi wapakuvamba zvikuru haungaiti bedzi P⁶⁴ zvimedu zveEvhangeri zvekaresa zviripo; unogoverawo ufakazi hwakawedzera hunoratidza kuti Evhangeri yaMateo yakanyorwa zvirokwazvo muzana rokutanga ramakore, sezvinobvira kunyange 70 C.E. asati asvika, apo zvapupu zvakaona zvakawanda zvezviitiko zvoupenyu hwaJesu zvakanga zvichiri zvipenyu kuti zvitsigire zvokwadi yeEvhangeri.

[Vakatipa Mufananidzo uri papeji 32]

Nebvumirwo yaPurezidhendi neVamwe Vake veMagdalen College, Oxford.