Mwari Anotonga Nyika Here?

MANGWANANI eSvondo. Vanhu vakawanda vanoburuka pamubhedha, vanopfeka, vosvusvura, uye vomhanyira kuchechi. Ikoko vanoteerera mharidzo pamusoro pokuti Mwari anotonga sei ari mukurusa pamusoro pepasi, asingakwikwidzanwi muchiremera. Vanoudzwa kuti anoitira hanya zvikuru vanhu. Nongedzero inoitwawo kuna Jesu Kristu. Vanganzwa kuti ndiye Mambo wamadzimambo kwaari ibvi riri rose rinopfugama mukuteerera.

Pavanosvika kumusha vachibva kuchechi, vanhu ava vangavhura terevhizheni ndokuona nhau. Zvino vanonzwa pamusoro penzara, utsotsi, kushandiswa zvisina kufanira kwemirimo, urombo. Uye vanoona zviono zvinonzwisa urombo zvechirwere nerufu.

Vanhu vamwe navamwe vangavamba kushamisika pamusoro pezvinhu zvavanzwa muchechi uye zvikurukuru pamusoro penhau dzisina kutongotsanangurwa ikoko. Kana Mwari ari zvose zviri zviviri ane rudo neane simba rose, neiko zvinhu zvakaipisisa zvichiitika? Uye zvakadiniko naJesu Kristu? Sezviri pachena, pane mabvi akawanda asingapfugami mukumuteerera.

[Mufananidzo uri papeji 3]

Kana Mwari achitonga nyika, neiko kune kutambura kwakadai nenyongano?

[Vakatipa Mufananidzo uri papeji 2]

Cover: NASA photo