Unokokwa Noushamwari

Rufu rwomunhu Jesu Kristu anopfuura makore 1 900 apfuura rwakanga ruri chiitiko chinokosha zvikurusa munhau yomunhu. Rwakatizarurira tose zvedu kariro yokuwana upenyu husingaperi muparadhiso yapasi. Mukati mechiitiko chakapfava, Jesu akashandisa chingwa chisina mbiriso newaini sezviratidziro zvechibayiro chake chorudo chomunhu. Ipapo akaudza vadzidzi vake, kuti: “Rambai muchiita ikoku muchindiyeuka.” (Ruka 22:19, NW) Uchayeuka ichi chiitiko chinokosha here? Zvapupu zvaJehovha zvinokukoka noushamwari kuzvikumbanira mukuchengeta uku kuchengetwa kweChirangaridzo. Kuchava pashure pokunyura kwezuva pamusi unowirirana naNisani 14 pakarenda yomwedzi womudenga weBhaibheri. Ungapinda paHoro Youmambo iri pedyosa nomusha wako. Nzvera neZvapupu zvaJehovha zvomunzvimbomo nokuda kwenguva chaiyoiyo nenzvimbo. musi wokuchengeta muna 1995 uchava paChishanu, April 14.