“Ngatirave Zvakawanda Tisati Tanyomba”

NDIZVO zvakataura mumwe munhu wokuNew Zealand pamusoro peNharireyomurindi, magazini yauri kurava. Pamusoro penyaya yaitaura pamusoro pengoro yokudenga yaMwari inorondedzerwa muna Ezekieri ganhuro 1, munhu wacho akanyora, kuti:

“Chimwe nechimwe cheizvi zvisikwa zvipenyu zvina, kana kuti makerubhi, chakanga chine mapapiro mana nezviso zvina. Zvakanga zvine chiso cheshumba, chinoratidzira ruramisiro yaJehovha; chiso chenzombe, chinomirira simba raMwari; chiso chegondo, chinoratidzira uchenjeri hwake; uye chiso chomunhu, chinoratidzira rudo rwaJehovha.

“Pashure pokurava ndaravazve iyoyi, ndakava nokunzwa kunofadza mukati momwoyo wangu. Misodzi yakauya kumeso angu, iya yomufaro. Mifungo yangu yapakarepo yakanga iri yokuti, ‘Munofanira kuva akaisvonaka neanofadza sei, Jehovha!’ Ndinoshamiswa chaizvo neni ndimene nokuda kweiyi mirangariro mitsva kuna Jehovha Mwari iyeyu uyo ndakanyomba kwamakore akawanda, ndichiva munhu wenyika wandiri. Ndinoti ‘ndinokutendai’ kuZvapupu zvaJehovha, uye kune vakawanda vakafanana neni, ndinoti, ‘Ngatirave zvakawanda tisati tanyomba.’”