Kusuma Chikamu 8

Jehovha akakomborera Soromoni nekuita kuti ave akachenjera chaizvo uye akamupa ropafadzo yekuvaka temberi, asi zvishoma nezvishoma akasiya Jehovha. Kana uri mubereki, tsanangurira mwana wako kuti aone kuti vanamati venhema vakabvisa sei Soromoni pana Mwari. Umambo hwakapatsanurwa, uye madzimambo akaipa akaita kuti vaIsraeri vatsauke pakutenda uye vanamate zvidhori. Panguva iyoyo, vaprofita vaJehovha vakawanda vakanga vakavimbika vaitambudzwa uye vaiurayiwa. Mambokadzi Jezebheri akaita kuti vanhu vaiva muumambo hwekuchamhembe vatonyanya kutsauka pakutenda. Zvinhu zvakanga zvisina kumira zvakanaka muIsraeri panguva iyi. Asi kwakanga kuchiri nevashumiri vaJehovha vakawanda vainge vakatendeka, kusanganisira Mambo Jehoshafati uye muprofita Eriya.