CHIKAMU 14

Ungaratidza Sei Kuti Wakavimbika Kuna Jehovha?

Tsigira Mwari. 1 Petro 5:6-9

MuKristu ari kuramba kuita zvechitendero chenhema uye zvematongerwo enyika

Usaita zvinhu zvisingabvumirwi neBhaibheri. Izvi zvinoda kushinga.

Usapindira mune zvematongerwo enyika. Munhu anoita zvematongerwo enyika anenge achiratidza kuti haatsigiri Jehovha neUmambo hwake.

Ita chisarudzo chakanaka chekuteerera Mwari. Mateu 7:24, 25

Murume auya pamusangano paImba yeUmambo uye ari kudzidza Bhaibheri neChapupu chaJehovha

Shamwaridzana neZvapupu zvaJehovha; vachakubatsira kuti uswedere pedyo naMwari.

Ramba uchidzidza nezvaMwari uchiedza kuteerera mirayiro yake.

Murume ari kunyengetera kuna Jehovha achizvitsaurira obva azobhabhatidzwa

Kana kutenda kwako kwasimba, unofanira kutsaurira upenyu hwako kuna Jehovha wobhabhatidzwa.—Mateu 28:19.

Teerera Mwari. Verenga Bhaibheri, uye kumbira Zvapupu zvaJehovha kuti zvikubatsire kurinzwisisa. Ibva waita zvaunenge wadzidza. Kana ukadaro, uchararama nekusingaperi.—Pisarema 37:29.