CHIKAMU 6

Tinodzidzei Pane Zvakaitika Pakanaya Mvura Zhinji?

Mwari akaparadza vakaipa asi akaponesa Noa nemhuri yake. Genesisi 7:11, 12, 23

Areka ichiyangarara, vanhu vakaipa vachinyura mumvura, uye ngirozi dzakapanduka dzichichinja miviri yadzo yenyama

Mvura yakanaya kwemazuva 40 neusiku 40, uye nyika yese yakazara nemvura. Vanhu vese vakaipa vakafa.

Ngirozi dziya dzakapanduka dzakachinja miviri yadzo yenyama uye dzakava madhimoni.

Noa nemhuri yake vachibuda muareka pamwe chete nemhuka uye muraraungu uri kuoneka mudenga

Vaya vaiva muareka vakapona. Kunyange zvazvo Noa nemhuri yake vakazofa, Mwari achavamutsa kuti vararame nekusingaperi.

Mwari achaparadzazve vanhu vakaipa uye achaponesa vanhu vakanaka. Mateu 24:37-39

Satani nemadhimoni ake vanoshandisa nzira dzakasiyana-siyana kuti vatsause vanhu

Satani nemadhimoni ake vachiri kutsausa vanhu.

Mazuva ano vanhu vakawanda havadi kuteerera Jehovha sezvaiitwa nevanhu vepanguva yaNoa. Nekukurumidza Jehovha achaparadza vanhu vese vakaipa.—2 Petro 2:5, 6.

Zvapupu zvaJehovha zviri kuparidzira mumwe murume zvichishandisa Bhaibheri

Kune vamwe vanhu vakaita saNoa. Vanoteerera Mwari uye vanoita zvaanoda; Zvapupu zvaJehovha ndivo vanhu vacho.