Sumo

Zvapupu zvaJehovha vanhu vanozivikanwa zvikuru. Kuparidza kwazvo nemanamatire zvakapinda mumapoka amarudzi namadzinza munyika yose uye zvakagamuchirwa navanhu vaduku navakuru, pamwero uri wose wezvemari newedzidzo. Shingairo yazvo savazivisi voUmambo hwaMwari yakaorora kunyange vatsoropodzi vazvo. Kudanana kwazvo kunoita kuti vamwe vasiri Zvapupu vashuve kuti vanhu vakawanda vaite nenzira iyoyo.

Bva, vazhinji vachiri kushamisika kuti, ‘Ndivanaani chaizvoizvo vari Zvapupu zvaJehovha?’ Vamwe vakanyora pamusoro pazvo, pane dzimwe nguva nenzira yokusarura. Zvimwe vakanga vasingazivi maidi ose. Zvirokwazvo, hakuna munhu anoziva nhau yazvo yomuzuva razvino zviri nani zvikuru kupfuura zvazvinoita izvo zvimene. Vapepeti vevhoriyamu ino vakaedza kuva vasina kwavakarerekera ndokupa nhau yakajeka. Kuna vose vanoziva izvo Bhaibheri rinofanotaura nokuda kwamazuva okupedzisira, iyi nhau yavanhu vanodavira zvikuru uye vanoparidza izvo Bhaibheri rinotaura icharayiridza zvikuru.

Vabudisi