Musi Unokosha Kwazvo Munhoroondo Yezvakaitika Kare

Musi uyu ndeuya wakafa Jesu Kristu. Nei rufu rwaJesu rwaikosha kwazvo? Nokuda kwezvikonzero zvinoverengeka.

Kutendeka kwaJesu kusvikira parufu kwakaratidza kuti vanhu vanogona kuramba vakavimbika kuna Mwari.

Rufu rwaKristu rwakapawo mukana wokuti vamwe vanhu vatonge pamwe chete naye mudenga. Uyezve, rwakazarurirawo vanhu vakawanda nzira yokuti vararame nokusingaperi mupasi rinenge riri paradhiso.

Manheru aya asati afa, Jesu akashandisa chingwa chisina mbiriso newaini tsvuku sezviratidzo zvechibayiro chake chomunhu chairatidza rudo. Uye akaudza vadzidzi vake kuti: “Rambai muchiita izvi muchindiyeuka.” (Ruka 22:19) Uchayeuka chiitiko ichi chinokosha here?

Zvapupu zvaJehovha zvinokukoka noushamwari kuti uyeukewo nazvo Chirangaridzo chorufu rwaJesu. Gore rino chichayeukwa musi weChitatu, April 12, zuva ranyura. Ungaenda kuImba yoUmambo iri pedyo nekwaunogara. Tapota bvunza Zvapupu zvaJehovha zvekwaunogara nguva chaiyo nenzvimbo yachichaitirwa.