Rakaderedza Zvikuru Vatano Yamadiro

Mupi zano wapayunivhesiti muOklahoma, U.S.A, akashuma kuti bhuku rinonzi Mibvunzo Inobvunza Vechiduku—Mhinduro Dzinoshanda rakaita zviri pamusoro apa. Mupi zano ari paYunivhesiti yeLangston akanyora, kuti:

“Ndingapa zano munhu upi noupi ari kubata nevechiduku vari pakati pamazera amakore 13-18 kushandisa iri bhuku chairo. Rinotsanangura vatano munzira iyo vadzidzi vedu vanofanira kuziva nezvayo kuti vagonane nezvinetso zvechaunga chakaoma kunzwisisa chanhasi. Kubva muruzivo rwangu ndimene rwokuzviwanira, ndakawana kuti rinovabetsera kuva vanoziva nezvechinoitika kana vachiita vatano yamadiro. Rinovarovedzanisa nehosha dzakasiana-siana dzinopfuudzwa muvatano dzakadai seAIDS, runyoka, herpes uye chinzonono.

“Kana ukasarudza kuva nevatano, rinoonesa kuti unofanira sei kusarudza mukwanyina mumwe chete nokuda kwoupenyu, uye kutsigira utsvene hweroorano. Ndakafarikanya chaizvoizvo kushandisa iri bhuku. Rine tapuro paupenyu hwaavo vanorishandisa. Ndakacherechedza kuti chiverengero chavakadzi vaduku vari mupurogiramu yedu vari kuva napamuviri chakaderedzwa zvikuru kwazvo pashure pokunge rasumwa.”

Kana uchida kugamuchira kopi reMibvunzo Inobvunza Vechiduku—Mhinduro Dzinoshanda kana kuti kuva nefundo yeBhaibheri yapamusha yapachena, tapota nyorera Watch Tower Society, 35 Fife Avenue, Harare, Zimbabwe, kana kuti kero yakafanira iri papeji 5.