RWIYO RWASOROMONI
1 Rwiyo rwaSoromoni, rwakanaka kukunda dzimwe dzese:+
3 Kunhuhwirira kwemafuta ako kwakanaka.+
Zita rako rakaita semafuta anonhuhwirira adururwa.+
Ndokusaka vasikana vachikuda.
4 Nditore* tiende tese; ngatimhanyei.
Mambo andipinza mudzimba dzake dzemukati!
Ngatifarei, tichinakidzwa tese.
Ngatirumbidzei* kuratidza kwaunoita rudo rwako kupfuura zvatinoita waini.
Ndokusaka vachikuda.*
5 Imi vanasikana veJerusarema, ndiri mutema zvangu, asi ndakanaka,
6 Musaramba makanditarisa nekuti ndakasviba,
Nekuti zuva rakandipisa.
Vanakomana vaamai vangu vakanditsamwira;
Vakandiita muchengeti weminda yemizambiringa,
Asi munda wangu wemizambiringa handina kuuchengeta.
Nei ndichifanira kuita semukadzi akazvifukidza nejira*
Pakati pemakwai evamwe vako?”
8 “Kana usingazivi, iwe mukadzi akanaka chaizvo kupfuura vamwe vese,
Enda uchitevera mafamba nezvipfuwo,
Ufudzire mbudzana dzako pedyo nematende evafudzi.”
9 “Iwe mudiwa wangu, ndinokufananidza nebhiza gadzi* riri pangoro dzaFarao.+
12 “Mambo paanenge akagara patafura yake yeraundi,
14 Kwandiri mudiwa wangu akaita sesumbu remaruva ehena+
Riri pakati peminda yemizambiringa yekuEni-gedhi.”+
15 “Chokwadi wakanaka, mudiwa wangu!
Wakazonaka! Maziso ako akafanana neenjiva.”+
16 “Chokwadi wakanaka, mudiwa wangu, uye unofadza!+
Mubhedha wedu uri pakati pemashizha.
2 “Seruva riri pakati peminzwa
Ndizvo zvakaita mudiwa wangu pakati pevanasikana.”
3 “Semuti wemuapuro uri pakati pemiti yemusango,
Ndizvo zvakaita mudiwa wangu pakati pevanakomana.
Ndinoda chaizvo kugara mumumvuri wake,
Uye muchero wake unotapira mukanwa mangu.
Musaedza kumutsa rudo mukati mangu kusvikira rwava kuda.+
8 Ndiri kunzwa mudiwa wangu!
Uyo! Ari kuuya,
Achikwira makomo, achisvetuka zvikomo.
9 Mudiwa wangu akaita semhara, akaita senondo diki.+
Uyo ari apo, akamira kuseri kwemadziro edu,
Achitarisa nepamahwindo,
Achidongorera nepamahwindo emaburi maburi.
10 Mudiwa wangu anotaura, anoti kwandiri:
‘Simuka, iwe mudiwa wangu,
Tsvarakadenga yangu, ngatiende tese.
11 Ona! Mwaka wechando* wapfuura.
Hakusisina mvura, yaenda.
12 Maruva ava kuoneka panyika,+
Nguva yekuchekerera miti yasvika,+
Uye rwiyo rwenjiva rwava kunzwika munyika yedu.+
Simuka, mudiwa wangu, uuye.
Tsvarakadenga yangu, ngatiende tese.
14 Iwe njiva yangu yakazororera pakati pematombo,+
Iri munzvimbo yekuhwanda mumawere,
Rega ndikuone, ndinzwe inzwi rako,+
Nekuti inzwi rako rinofadza uye chimiro chako chakanaka.’”+
15 “Tibatire makava,
Makava madiki anoparadza minda yemizambiringa,
Nekuti minda yedu yemizambiringa yava nemaruva.”
16 “Mudiwa wangu ndewangu uye ini ndiri wake.+
Ari kufudza makwai+ ari pakati pemaruva.+
17 Kusvikira kwava kufefetera uye mimvuri yava kutiza,
Dzoka nekukurumidza, iwe mudiwa wangu,
Semhara+ kana kuti senondo diki hono+ iri pamakomo ekuparadzana.*
Ndakamutsvaga, asi handina kumuwana.+
Ndakamutsvaga, asi handina kumuwana.
3 Varindi vaitenderera muguta vakandiwana.+
‘Mamboonawo mudiwa wangu* here?’
Ndakamubata, ndikasamuregedza
Kusvikira ndapinda naye mumba maamai vangu,+
Muimba yemukati yaivo vakandibereka.
5 Ndinoita kuti mupike, imi vanasikana veJerusarema,
Nemhara uye nenondo dzemusango:
Musaedza kumutsa rudo mukati mangu kusvikira rwava kuda.”+
6 “Chii icho chakaita seutsi huri kukwira mudenga chiri kubva kurenje,
Chiri kunhuhwirira mura nezvinonhuhwirira zvichena,
Nezvinonhuhwirira zvese zvemutengesi zvakakuyiwa?”+
7 “Onai! Chigaro chaSoromoni.
Chakakomberedzwa nevarume 60 vane simba,
Vanobva pavarume vaIsraeri vane simba,+
8 Vese vaine mapakatwa,
Vese vakadzidziswa hondo,
Mumwe nemumwe akapakatira bakatwa
Kuti vagarire kana paine zvinotyisa zvingauya usiku.”
10 Mbiru dzacho akadzigadzira nesirivha,
Uye zvinochitsigira ndezvegoridhe.
Pekugara pacho pakagadzirwa neshinda yepepuru;
Mukati macho makashongedzwa zvakanaka
Nevanasikana veJerusarema.”
11 “Budai, imi vanasikana veZiyoni,
Onai Mambo Soromoni
Akapfeka korona yake yemuchato yaakagadzirirwa naamai vake+
Musi waakaroora,
Musi wakafara mwoyo wake.”
4 “Chokwadi wakanaka, mudiwa wangu!
Wakazonaka!
Maziso ako akaita seenjiva paanooneka kuseri kwejira rakafukidza kumeso kwako.
Bvudzi rako rakaita seboka rembudzi
Dzakaita mudungwe dzichidzika nemakomo eGiriyedhi.+
2 Mazino ako akaita seboka remakwai achangobva kuveurwa
Abva kunogezwa,
Ese aine vana vaviri vaviri,
Uye pasina kana rakarasikirwa nevana varo.
3 Muromo wako wakaita seshinda tsvuku,
Uye matauriro ako anofadza.
Sepomegraneti* ratsemurwa nepakati
Ndizvo zvakaita matama ako akavharwa nejira.
4 Mutsipa wako+ wakaita seshongwe yaDhavhidhi,+
Yakavakwa nematombo akaturikidzana,
Panoturikwa nhoo dzine chiuru,
Nhoo dzese dzeraundi dzevarume vane simba.+
5 Mazamu ako maviri akaita setsvana mbiri dzemhara,
Vana vemhara vanoberekwa panguva imwe chete,+
Vanofura pakati pemaruva.”
6 “Kusvikira kwava kufefetera uye mimvuri yava kutiza,
Ndichaenda kugomo remura
Uye kuchikomo chezvinonhuhwirira zvichena.”+
Dzika uchibva pamusoro peAmana,
Pamusoro peSeniri, pamusoro peHemoni,+
Panzvimbo dzinogara shumba, pamakomo eingwe.
9 Wanditora mwoyo,+ hanzvadzi yangu, mwenga wangu,
Wanditora mwoyo nekungonditarisa kamwe chete nemaziso ako,
Nekungotarisa kwandaita chuma chimwe chete pachishongo chako chemuhuro.
10 Kuratidza kwako rudo kwakazonaka,+ hanzvadzi yangu, mwenga wangu!
Kuratidza kwako rudo kunopfuura waini,+
Uye kunhuhwirira kwemafuta ako kunopfuura chero chii zvacho chinonhuhwirira!+
11 Mwenga wangu, miromo yako inodonha uchi hwemumazinga.+
Uchi nemukaka zviri pasi perurimi rwako,+
Uye kunhuhwirira kwezvipfeko zvako kwakafanana nekunhuhwirira kweRebhanoni.
12 Hanzvadzi yangu, mwenga wangu, akaita semunda wakakiyiwa,
Munda wakakiyiwa, chitubu chakanamwa.
13 Nhungirwa dzako* iparadhiso yemipomegraneti,*
Ine michero yakanakisisa, nemihena pamwe chete neminadhi,
14 Nadhi+ nesafuroni, karamusi*+ uye sinamoni,+
Pamwe chete nemiti yese yezvinonhuhwirira zvichena, mura nearosi,+
Uye zvinonhuhwirira zvese zvakanaka kwazvo.+
16 Muka, iwe mhepo yekuchamhembe;
Pinda, iwe mhepo yekumaodzanyemba.
Fefetera mubindu rangu.
Kunhuhwirira kwaro ngakupararire.”
“Mudiwa wangu ngaapinde mubindu rake,
Adye michero yaro yakanakisisa.”
Ndatemha mura yangu nezvinonhuhwirira zvangu.+
Ndadya zinga rangu reuchi neuchi hwangu;
Ndanwa waini yangu nemukaka wangu.”+
“Idyai, shamwari dzangu!
Inwai mudhakwe nekuratidzana rudo kwamuri kuita!”+
2 “Ndakarara, asi mwoyo wangu wakamuka.+
Ndiri kunzwa mudiwa wangu achigogodza!”
‘Ndivhurire, hanzvadzi yangu, mudiwa wangu,
Njiva yangu, asina panoshoreka!
Nekuti musoro wangu wakatota nedova,
Bvudzi rangu rakatota nemvura inodonha usiku.’+
3 Ndabvisa nguo yangu.
Ndoipfekazve here?
Ndageza tsoka dzangu.
Ndodzisvibisazve here?
4 Mudiwa wangu akabvisa ruoko rwake paburi resuo,
Ndikatanga kunzwa kumuda.
5 Ndakamuka kuti ndivhurire mudiwa wangu;
Maoko angu aidonha mura,
Uye minwe yangu yaidonha mura yakaita mvura mvura,
Ndikabata chekuvhurisa suo.
6 Ndakavhurira mudiwa wangu,
Asi mudiwa wangu akanga atoenda, asisipo.
Ndakamutsvaga, asi handina kumuwana.+
Ndakamushevedza, asi haana kundipindura.
7 Varindi vaitenderera muguta vakandiwana.
Vakandirova, vakandikuvadza.
Varindi vemasvingo vakanditorera chari yangu.*
8 Ndinoita kuti mupike imi vanasikana veJerusarema:
Kana mukaona mudiwa wangu,
Muudzei kuti ndiri kurwara nerudo.”
9 “Mudiwa wako anopfuura vamwe vadiwa pakudii,
Nhai iwe mukadzi akanaka kupfuura vamwe vese?
Mudiwa wako anopfuura vamwe vadiwa pakudii,
Zvekuti ungaita kuti tipike mhiko yakadai?”
10 “Mudiwa wangu akanaka uye mutsvuku;
Anopfuura vane zviuru gumi.
11 Musoro wake igoridhe, goridhe rakanatswa.
Bvudzi rake rakaita semashizha emichindwe ari kuzununguswa,*
Idema segunguo.
12 Maziso ake akaita senjiva dziri pedyo nehova dzemvura,
Dziri kugeza mumukaka,
Dzakagara pedyo nedziva riri kufashukira.*
Miromo yake yakaita semaruva, ichidonha mura yakaita mvura mvura.+
14 Maoko ake akaita sepombi dzegoridhe, dzakaiswa dombo rekrisoriti.
Dumbu rake rakaita serakagadzirwa nenyanga dzenzou dzakakwenenzverwa dzikaiswa matombo esafaya pamusoro.
15 Makumbo ake akaita sembiru dzedombo remabhura dzakaiswa pazvigadziko zvegoridhe rakanatswa.
Chimiro chake chakaita seRebhanoni, semisidhari, zvekuti hapana anomupfuura.+
Uyu ndiye mudiwa wangu, ndiye wandinoda, imi vanasikana veJerusarema.”
6 “Mudiwa wako aenda kupi,
Iwe mukadzi akanakisisa?
Mudiwa wako aenda nekupi?
Rega tikubatsire kumutsvaga.”
2 “Mudiwa wangu aenda kubindu rake,
Kumihomba yezvinonhuhwirira,
Kuti anofudzira zvipfuwo mumapindu,
Achitemha maruva.+
Ari kufudza makwai ari pakati pemaruva.”+
4 “Wakanaka seTiza,*+ mudiwa wangu,+
Wakanaka seJerusarema,+
Unoyevedza semauto akatenderedza mireza yawo.+
Bvudzi rako rakaita seboka rembudzi
Dzakaita mudungwe mumateru eGiriyedhi.+
6 Mazino ako akaita seboka remakwai
Abva kunogezwa,
Ese aine vana vaviri vaviri,
Uye pasina kana rakarasikirwa nevana varo.
9 Asi mumwe chete ndiye njiva yangu,+ wangu asina panoshoreka.
Ndiye ega waamai vake.
Ndiye wepamwoyo waivo* vakamubereka.
Vanasikana vanomuona, vomuti anofara;
Vanamambokadzi nevarongo, vomurumbidza.
10 ‘Ndiani uyu anopenya* semambakwedza,
Akanaka sejenaguru,
Akachena sekupenya kwezuva,
Anoyevedza semauto akapoteredza mireza?’”+
11 “Ndakadzika kumunda wemiti yeminzungu,+
Kunoona nhungirwa dzepamiti yemubani,
Kunoona kana mizambiringa yakanga yatungira,
Kana mipomegraneti yakanga yatumbuka.
13 “Dzoka, dzoka, iwe muShurami!
Dzoka, dzoka,
Kuti tikutarise!”
“Muri kuyeveiko pamuShurami?”+
“Akaita sezvikwata zviviri zvevanhu vari kutamba!”*
7 “Tsoka dzako dzakanaka chaizvo dziri mushangu dzako,
Iwe mwanasikana anoremekedzwa!
Zvidya zvako zvakaumbika sezvishongo,
Basa remaoko emhizha.
2 Guvhu rako rakaita sendiro yeraundi.
Waini yakasanganiswa ngairege kushayikwa pariri.
Dumbu rako rakaita semurwi wegorosi,
Wakatenderedzwa nemaruva.
4 Mutsipa wako+ wakaita seshongwe yenyanga dzenzou.+
Mhino yako yakaita seshongwe yekuRebhanoni,
Yakatarisa kuDhamasiko.
Mambo anotorwa mwoyo nekuyerera kwarinoita.
6 Wakanaka chaizvo, uye unofadza,
Iwe musikana anodiwa, kupfuura zvinhu zvese zvinofadza kwazvo!
8 Ndakati, ‘Ndichakwira mumuchindwe
Kuti ndibate mapazi awo ane michero.’
Mazamu ako ngaaite semasumbu emazambiringa,
Kufema kwako ngakunhuhwirire semaapuro,
“Ngaidzike ichitsvedzerera nekuda kwemudiwa wangu,
Ichiyerera zvinyoronyoro pamiromo yevakarara.
12 Ngatimukirei tiende kuminda yemizambiringa,
Tinoona kana mizambiringa yakatungira,
Kana maruva akatumbuka,+
Kana mipomegraneti yava nemaruva.+
Ndichakuratidza kuti ndinokuda sei tiri ikoko.+
13 Mamandireki+ ari kunzwika kunhuhwirira kwawo;
Pamasuo edu pane michero yakasiyana-siyana yakanakisisa.+
Mudiwa wangu, ndakuchengetera
Ichangobva kutemhwa neyakatemhwa kare.
8 “Kudai wakanga wakaita sehanzvadzi yangu,
Yakayamwa mazamu aamai vangu!
Kudai ndaizokuwana panze, ndaikutsvoda,+
Uye hapana aindishora.
Ndokupa waini yakaiswa zvinonhuhwirira kuti unwe,
Iwo muto uchangobva kusvinwa wemapomegraneti.*
3 Ruoko rwake rweruboshwe runenge ruri pasi pemusoro wangu,
Uye ruoko rwake rwerudyi rwakandimbundira.+
4 Ndinoita kuti mupike, imi vanasikana veJerusarema:
Musaedza kumutsa rudo mukati mangu kusvikira rwava kuda.”+
5 “Ndiani uyo ari kubva kurenje,
Akazembera mudiwa wake?”
“Ndakakumutsa pasi pemuapuro.
Amai vako vairwadziwa nekukusununguka vari ipapo.
Vaya vakakubereka vairwadziwa vachisununguka vari ipapo.
6 Ndiise pamwoyo wako sechidhindo,*
Sechidhindo paruoko rwako,
Nekuti rudo rune simba serufu,+
Uye kuzvipira kwakazara hakudzokeri shure seGuva risingadzokeri* shure.
Marimi arwo moto unobvira, iro rimi remoto raJah.*+
Kana munhu akapa pfuma yake yese kuti awane rudo,
Zvingatoshorwa* chaizvo.”
Tichaitireiko hanzvadzi yedu
Musi waichabvunzirwa?”
9 “Kana iri rusvingo,
Tichavaka shongwe yesirivha pamusoro payo,
Asi kana iri suo,
Tichaivhara nepuranga remusidhari.”
10 “Ndiri rusvingo,
Uye mazamu angu akaita seshongwe.
Saka ava kundiona
Seuya anowana rugare.
11 Soromoni aiva nemunda wemizambiringa+ muBhaari-hamoni.
Akaisa munda wacho wemizambiringa mumaoko evachengeti.
Mumwe nemumwe aiunza masirivha chiuru ezvibereko zvawo.
12 Ndine munda wangu pachangu wemizambiringa.
Masirivha chiuru ndeako,* iwe Soromoni,
Uye mazana maviri ndeevanochengeta michero yawo.”
Regai ndirinzwe.”+
ChiHeb., “Ndikweve.”
Kana kuti “Ngatirondedzerei.”
Kureva, vasikana.
Kana kuti “anodiwa chaizvo nemweya wangu.”
Kana kuti “nejira rekuchema.”
Kana kuti “nebhiza rangu gadzi.”
Dzimwe shanduro dzinoti, “ari pakati pebvudzi rakarukwa.”
Kana kuti “zvishongo zveraundi.”
ChiHeb., “Mafuta angu enadhi.”
Kana kuti “emba yedu yakanaka.”
ChiHeb., “muimba yewaini.”
Kana kuti “wemvura.”
Dzimwe shanduro dzinoti, “makomo akaparadzana.” Kana kuti “makomo eBhetari.”
Kana kuti “anodiwa nemweya wangu.”
Kana kuti “anodiwa nemweya wangu.”
Kana kuti “anodiwa nemweya wangu.”
Kana kuti “anodiwa nemweya wangu.”
Chigaro chacho, icho chaishandiswa kutakura munhu anoremekedzwa, chakanga chakaita sekamubhedha uye chaifukidzwa.
Pomegraneti muchero wakada kuita mutsvuku uye unoratidzika seapuro. Vamwe vanouti chibage cheChirungu.
Dzimwe shanduro dzinoti, “Ganda rako.”
Kana kuti “munda wemipomegraneti.”
Kureva, tsanga inonhuhwirira.
Kana kuti “Mweya wangu wakabuda.”
Dzimwe shanduro dzinoti, “Mweya wangu wakabuda paakataura.”
Kana kuti “jira rangu rekuzvifukidza.”
Dzimwe shanduro dzinoti, “semichero yemichindwe.”
Dzimwe shanduro dzinoti, “nekumucheto kwezvitubu.”
ChiHeb., “Mukanwa make.”
Kana kuti “seGuta Rinofadza.”
Pomegraneti muchero wakada kuita mutsvuku uye unoratidzika seapuro. Vamwe vanouti chibage cheChirungu.
ChiHeb., “akachena weavo.”
ChiHeb., “anotarisa pasi.”
Kana kuti “Mweya wangu wakanga wandiisa.”
Kana kuti “vane mwoyo wakanaka.”
Kana kuti “sekutamba kweMahanaimu.”
ChiHeb., “musoro wako wakaita.”
ChiHeb., “mukanwa mako.”
Pomegraneti muchero wakada kuita mutsvuku uye unoratidzika seapuro. Vamwe vanouti chibage cheChirungu.
Kana kuti “sechisimbiso.”
Kana kuti “seSheori isingadzokeri.” Ona Tsanangudzo Yemashoko.
Kana kuti “iwo murazvo waJah.” Jah kupfupikiswa kwezita rekuti Jehovha.
Dzimwe shanduro dzinoti, “Angatoshorwa.”
ChiHeb., “Chiuru ndechako.”