Muparidzi

11 Kanda zvokudya zvako+ pamusoro pemvura,+ nokuti kwapera mazuva mazhinji uchazviwanazve.+ 2 Ipa mugove vanhu vanomwe, kana kuti kunyange vasere,+ nokuti hauzivi dambudziko richaitika panyika.+

3 Kana makore azara mvura, anodurura mvura zhinji panyika;+ uye kana muti ukawira kumaodzanyemba kana kuti kuchamhembe, muti+ wacho uchava panzvimbo yaunenge wawira.

4 Munhu anotarira mhepo haazodyari mbeu; uye uya anotarira makore haazokohwi.+

5 Sezvausingazivi kufamba kunoita mudzimu mumapfupa ari mudumbu raiye ane pamuviri,+ saizvozvowo hauzivi basa raMwari wechokwadi, anoita zvinhu zvose.+

6 Dyara mbeu yako mangwanani uye usarega ruoko rwako ruchizorora kusvikira manheru;+ nokuti hauzivi kuti zvichabudirira kupi,+ kuno here kana kuti uko, uye kana zvose zvazvo zvichava zvakanaka.

7 Chiedza chinotapirawo, uye zvakanaka kuti maziso aone zuva;+ 8 nokuti kana munhu akararama kwemakore mazhinji, ngaafare maari ose.+ Ngaayeuke mazuva erima,+ kunyange angave mazhinji; zuva rimwe nerimwe rinouya harina zvarinobatsira.+

9 Fara+ hako, iwe jaya, uchiri muduku, uye mwoyo wako ngaukuitire zvakanaka mumazuva oujaya hwako, uye famba munzira dzomwoyo wako nomuzvinhu zvinoonekwa nemaziso ako.+ Asi ziva kuti Mwari wechokwadi achakutongera zvinhu zvose izvi.+ 10 Naizvozvo bvisa zvinonetsa pamwoyo wako, udzivise dambudziko panyama yako;+ nokuti uduku noupwere hazvina zvazvinobatsira.+