Gannate Ikkitino Uulla

Yihowa Sheexaanu iillishino gawajjo baala hoolanno. Yihowa Yesuusi uulla woꞌmate woma asse moohisinosi. Yesuusi gashshooti hunda uulla ganatete soorrantanno.—Daanieeli 7:13, 14; Luqaasi 23:43.

Yihowa konni woroonni noore wonshate hexxo uyiino:

• INTANNIRI WOꞌMANNO: “Uulla guma uyitanno; Maganinkeno maassirannonke.” “Uullate aana gidu woꞌmo, ilaallate sammorano dayyao.”—Faarso 67:6; 72:16.

• OLU DIHEEꞌRANNO: “Amme Yihowa looso laꞌinannina uullate aana hiittoo xagge assinoro laꞌe. Uulla woꞌmate ola hoolanno.”—Faarso 46:8, 9.

• BUSHU MANNI DIHEEꞌRANNO: “Bushuullu baꞌanno . . . shiima yannara calla ikkinnina bushuullu diheedhanno, basensa qorqorte nafa diafattonsa.”—Faarso 37:9, 10.

• 

  XISSO, DADILLU WOY REYO DIHEEDHANNO: “Hattee yannara ballichchu ille laꞌanno, macciweelu macca faꞌnantanno. Naafichchu bullichchi gede kubbanno, duuddichchu arrawino hagiirrunni faarsanno.”—Isayyaasi 35:5, 6.

  ‘Maganu umisi insa ledo ikkanno; hindiido duuchcha illensa aaninni feyaanno reyo woy dadillu woy wiꞌla woy dhibbu konni kaꞌira diheeꞌranno Hakkuno mayiraati? Albi coyi sainohuraati.ˈ—Ajuuja 21:3, 4.

Yihowa Sheexaanunna durriissate gede kaphphancho diꞌꞌikkino. Hexxo uyiino coyi baalu woꞌmanno. (Luqaasi 1:36, 37) Yihowa baxannohehura qixxeessanno gannate giddo heeꞌrattora hasiꞌranno. Konni daafira Yihowa Farciꞌraano ledo xaadde Maganu Qaali giddo noo xaggeessiꞌnanni halaale rosi. Konne halaale heeshshokki giddo loosu aana hosiisittoro kaphphu borojjimmanni, durriissate ledo fiixooma afidhino ikkitonni, afibbeelate, cubbunna reyote borojjimmanni, keere fulatto. Yesuusi yiinte gede: “Halaale affinanni halaaluno borojjimmatenni fushshannoꞌne.”—Yohaannisi 8:32.