Agaaninte Isi Addanka No?

Qullaawu Maxaafi mayyaanno?

Ee, no. Agaanintete (woy durriisaho) yinanniri “cubbo loossino [sokkaasineeti]”; yaano Maganoho finqiltinore ayyaanu kalaqooti. (2 Pheexiroosi 2:4) Isonooto agaaninticha assinohu umi sokkaasinchi Sheexaane Daawuloosiiti; Qullaawu Maxaafi iso ‘durriisu roorrichaati’ yaanno.—Maatewoosi 12:24, 26.

Nohi yannara finqiltinore

Qullaawu Maxaafi, Nohi dirihu Baote Wayi dirrara albaanni sokkaasine finqiltinota woy shittitinota kulanno. Togo yaanno: “Maganu ooso mannunnihu seennu xumuulle ikkinota laꞌu; giddonsanni baxxinore doodhite adhitu.” (Kalaqama 6:2) Kuri bushuullu sokkaasine ‘heedhanno darga agurte’ dirrite, meentu ledo siimu xaadooshshe assate mannu biso uddidhino.—Yihuda 6.

Baote Wayi dayita, tini busha sokkaasine uddidhinoha mannu biso agurte wirro iimira hadhino. Ikkollana, Maganu maatesi wido kiirantara difajjinonsa. Qoleno agaaninte layinkita mannu biso uddidhannokki gede hoolloonni.—Efesooni Sokka 6:11, 12.