Qarqaru Qarra—Maganu Gashshooti Assannore

“Busha ayyarete gade mannu, katammatenna kalaqamu qarqari aana buutote qarra abbitanni no. Ayyarete gade soorranteenna roore lexxitanni hadhanni nooti jajjabba hombobalatte, alame woꞌmate aana minnanna mannu heeshsho gawajjitanni no. Wuqiyaanoosete iibbilli roore lexxanni no; hakko daafira batinyu kalaqami sirchi baattote aaninni baꞌꞌara dandaanno.”—Inger Andersen, Buusantino Mangistubba Dirijjiteha lekkisaancho qara borreessaanchonna Buusantino Mangistubba Dirijjitera Qarqaru Pirogiraamera qara sooreessa, Maaja 25, 2023.

Mangistubba alame woꞌmate qarra ikkitinota tenne coyibba tirate buusante loosa dandiitanno? Insa konni qarrira geedote mala abbite affanno?

Qullaawu Maxaafi baattonniha qarqaru qarra baala hoola dandaannohunna hoolateno qixxaawe noohu mittu gashshooti noota kulanno. “Gordu Magani . . . gashshoote uurrisanno” yaanno; kuni gashshooti uulla woꞌma gashshannohonna baattote qarra baala tirannoho. (Daanieeli 2:44) Hakkunni gashshooti giddo, mannu mimmito woy baatto ‘digawajjanno.’—Isayaasi 11:9.