Turketenna Sooriyaho Jawa Baattote Huxano Ikkitino—Qullaawu Maxaafi Mayyaanno?

Sanyo, Ammajje 6, 2023 Turketenna Sooriyaho baatto baasa huxidhe lowore gawajjitino.

• “Sanyote barra Turkete gobbaranna Sooriyaho aliyye galchimi widoonni baatto lowo geeshsha huxidheenna 3,700 ale ikkanno manni reyino; kuni ikkinohu qorru uwe noo yannara ikkino daafira lubbo gati mannino roore qarramino hattono miniweelo gatino. Qoleno qorru baattote huxanonni gatino manna hase afa qarra ikkitanno gede assino.”—Royitersi, Ammajje 6, 2023.

Togoo dano macciishshineemmo woyite wodaninke baasa dadillanno. Togoori ikkanno woyite, sheshifachishannonke gede “jawaante baalate [Magano]” Yihowa addaxxa dandiineemmo. (2 Qorontoosi 1:3) Isi “Qullaawa Maxaaffa widoonni afiꞌneemmo cincanna jawaante hexxo uyitannonke” gede asse kaaꞌlannonke.—Roomu Sokka 15:4.

Qullaawu Maxaafi:

• Baattote huxano daafira mayine masaalloonniro kulannonke.

• Sheshonna hexxo afiꞌneemmo gara kulannonke.

• Maganu qarra baala hunanno gara rosiisannonke.

Qullaawu Maxaafi tenne hajo daafira mayyaannoro ledde afate, aante noo birxichuwa nabbawi:

• “Jajjabba Baattote Huxano—Qullaawu Maxaafi Giddo Mayine Masaalloonni?”

• “Hexxo Afiꞌra Dandeemmohu Hiikkiinniiti?”

• “Muli Yannara Maganu Qarra Baala Hunanno”