Qaagatto?

Muli yannara fultinota Agarooshshu Shae metseetta seekkite nabbawootto? Hanni kuri xaꞌmuwara dawaro qolate woꞌnaali:

Yihowara Ayirrinye Uyneemmo Gede Kakkaysannonkeri Maati?

Yihowara ayirrinye uyneemmohu iso lowo geeshsha ayirrinseemmohuraatinna lubbora banxeemmosi daafiraati. Qoleno isira ayirrinye uyneemmohu wolootu iso affara hasiꞌneemmo daafiraati.—w25.01, qoola. 3.

Mittu manchi koffi assinkero, albinni roore gatona yineemmore ikka dandiineemmohu hiittoonniiti?

Xissonke lashshi assine diagurreemmo; ikkirono hanqonna koma amada agura xissiisiꞌne woloota gawajjannore assineemmokki gede kaaꞌlitannonke.—w25.02, qoola. 15-16.

Rosaanchu Maarqoosi wedellu labballu roduuwira dancha lawishsha ikkannohu mayraati?

Maarqoosi soqqamanno gede uynoonnisi looso maahoyye yee adhino. Maarqoosi xissiisiꞌrannonna hexxo mudhanno gede assannosiri iillinosiha ikkirono soqqama diagurino. Isi Phaawuloosinna wolu gikki yiino Kiristaani ledo noosi jaalooma kaajjishiꞌrino.—w25.04, qoola. 27.

Yesuusi huuccatto assiꞌranni “Suꞌmakki egensiisoommonsa” yiinohu mayyaateeti? (Yoh. 17:26)

Yesuusi rosaano Maganu suꞌma wonanni affino. Kayinni Yesuusi insara Maganu ayimma daafira lawishshaho, isi assara hedinore, loososinna akattasi kulinonsa.—w25.05, qoola. 20- 21.

Dhukanke anfoommore ikkinummoro maa huwanteemmo?

Anfoommokkihu mitu coy noota huwanteemmo. Lawishshaho, goofimarchu mamoote daannoro woy hatte yannara Yihowa qaafo adhannohu hiittoonniitiro dianfoommo. Qoleno gaꞌa may ikkannoro woy Yihowa mageeshshi geya afinonkero dianfoommo.—w25.06, qoola. 15-18.

Mitto birxicho nabbambeemmo woyte woy dagate lallawo macciishshineemmo woyte horo afiꞌneemmo gede kaaꞌlannonkeri maati?

Ninkeneeto togo yine xaꞌma dandiineemmo: ‘Manna ammansiisate horoonsiꞌnoonni taje hiittenneeti?’ Mittu manchira konne halaale rosiiseemmo woyte horoonsiꞌra dandeemmohu kaaꞌlanno lawishshi no? Tenne hajo daafira hasaawa baxannohu ayeti?’—w25.07, qoola. 19.

Maganu Daawiti gatona yiinota kultanno xaggenni maarosi daafira maa ronseemmo?

Daawiti jawa cubbo loosinoha ikkirono, addinta maaro eita Yihowa gatona yiinosi. (1 Mo. 9:4, 5) Maganu mitte hige gatona yiiro, alba loonsoonni soꞌrora koma amade diqorichishanno.—w25.08, p. 17.

Mittu Qullaawu Maxaafi rosaanchira mitte hedo huwata qarra ikkitusiro maa assa dandaatto?

Qullaawu Maxaafi giddonni mitte hedo dancha gede rosiisate woꞌnaaltinihu gedensaannino huwata qarra ikkitusiro, agurtine saꞌine hatte hedowa gedensaanni higa dandiitinanni.—w25.09, qoola. 24.

Qullaawu Maxaafi ‘cubboho dogate wolqa’ noosita kulanno. (Ibi. 3:13) Hiittoonni?

Cubbu gara ikkinokkire assineemmo gede assankera dandaanno. Qoleno huluullo kalaqantannonke gede asse lawishshaho, Yihowa addinta baxannonkeronna teꞌee huluullammeemmo gede asse dogankera dandaanno.—w25.10, qoola. 16.

Huuccattonke roore woyyeessiꞌneemmo gede kaaꞌlannonkehu sasu coy maati?

(1) Yihowa akatta hiinca dandiineemmo. (2) May daafira huucciꞌneemmoro taxxi yee hedanna hakko coye qummi assine huucciꞌra dandiineemmo; lawishshaho, gatona yaa hasiissannonke manchi nooha ikkara dandaanno. (3) Seeda yanna huucciꞌra dandiineemmo. Tini giddoydi hedonke roore xawinse kulleemmo gede assitankera dandiitanno.—w25.10, qoola. 19-20.

Geedhitinore kaaꞌla dandiineemmohu hiittoonniiti?

Geedhitinore marre laꞌꞌa woy insara silke dowwola dandiineemmo. Qoleno akimete minira hadhanno woyte ledonsa haꞌra dandiineemmo. Woy geedhitino roduuwi ledo addi gari soqqansho soqqama dandiineemmo.—w25.11, qoola. 6-7.

Kiristaanu sarge ayirrinyu noota ikkitanno gede assannohu qaru coy maati?

Higge hajajjannoha aye coyeno wonsha hasiissanno. Sargekki hagiirsiissannotanna Maganu ayyaani akatta leeltannota ikkitanno gede assiꞌra hasiissannohe. Bikku uduunne uddiꞌri hattono Qullaawa Borro ledo sumuu yaannokki bude qorophi. Sargeꞌne barrira qixxaabbinanni woyte dancha gede hasaabbe.—w25.12, qoola. 21-24.