Yihowata Gatisate Wolqa Albinni Roore Addaxxi

Israeele Yihowa addaxxitukkinni gattino gara afate Kiiro 13:25–14:4 nabbawi.

Qooxeessaho noo hedo lai. Israeele Gibitsetenni fultu woyte Yihowara insa gatisate dandoo noosita addaxxa hasiissinonsahu mayraati? (Fa. 78:12-16, 43-53) Insa Yihowa addaxxa agurtanno gede assinonsari maati? (Mar. 1:26-28) Iyyaasunna Kaaleebi Yihowa addaxxitannota leellishshinohu hiittoonniiti?—Kir. 14:6-9.

Unte xiinxalli. Israeele Yihowa albinni roore addaxxate maa assa dandiitanno? (Fa. 9:10; 22:4; 78:11) Yihowa addaxxatenna iso ayirrisate mereero noo xaadooshshi maati?—Kir. 14:11.

Maa rosoottoro hedi. Ateneeto togo yite xaꞌmi:

• ‘Woꞌmunni woꞌma Yihowa addaxxeemmokki gede assaera dandaannori maati?’

• ‘Xaa yannarano ikko albillitte Yihowa albinni roore addaxxate maa assa dandeemmo?’

• ‘Quuxxote qarri gambise daanno woyte woꞌmunni woꞌma maa addaxxa dandeemmo?’—Luq. 21:25-28.