Soqqanshonke Isilanchimma Woyyeessiꞌra​—‘Gara Ikkitinoti Wodanu Dooꞌꞌo Noonsari’ Rosaano Ikkitanno Gede Kaaꞌla

HASIISSANNOHU MAYIRAATI? Yihowa, hegere heeshsho afiꞌrate ‘gara ikkitinoti wodanu dooꞌꞌo noonsare’ giddonsa halaalu wixi muranno gede assanno. (Soq 13:48 NW; 1Qo 3:7) Soqqammeemmo woyite rosinore baxanno manni aana illachinshe Yihowa ledo loonseemmo. (1Qo 9:26) Qullaawu Maxaafi rosaano gato afiꞌrate Kiristaanu cuuama hasiissannonsata wodancha hasiissannonsa. (1Ph 3:21) Insa Yesuusi rosaano ikkitanno gede kaaꞌlate, heeshshonsa biddi assidhanno gara, sabbakkanno gara, rosiissannonna heeshshonsa Yihowara sayisse uyitanno gara rosiinseemmonsa.—Mt 28:19, 20.

TENNE ASSA DANDIINANNI GARA:

• Qullaawu Maxaafi rosaanoꞌne xiinxallissinanninsahu Yihowa ‘affanno’ gedenna iso hagiirsiissanno gede insa kaaꞌlate ikkinota kullensa.—Yoh 17:3

• Guficho ikkannonsare lawishshaho, busha gadenna gari ikkitinokki hoshsha agurte ayyaanaamittetenni lophitanno gede kaaꞌlensa

• Cuuantara albaannino ikko cuuantu gedensaanni kaajjitannonna jawaatanno gede kaaꞌlensa.—Soq 14:22

MAGANU YIHOWA KAAꞌLANNOHE, YITANNO VIIDIYO LAꞌINI GEDENSAANNI AANTE NOO XAꞌMUWARA DAWARO QOLLE:

• Mittu Manchi isonooto Yihowara sayise aanna cuuama waajjannohu mayira ikkara dandaanno?

• Songote cimeeyye Qullaawu Maxaafi rosaano ayyaanaamittetenni lophitanno gede kaaꞌla dandiitannohu hiittoonniiti?

• Isayaasi 41:10 Yihowa daafira maa rosiissannonke?

• Guuntete xeꞌne noonkere ikkinummorono, Yihowa hagiirsiisanno garinni soqqamate kaaꞌlitannonke akatta hiikkuriiti?