KIRISTAANU HEESHSHORA
Manna Rosaano Assate Sabbakanna Rosiisa Hasiissanno
Yesuusi harunsaanosi hadhe manna rosaano assitanno gede hajajino. (Mt 28:19) Togo assate sabbakanna rosiisa hasiissanno. Yannate kiiro ninkeneeto togo yine xaꞌma hasiissannonke; ‘Konne hasiisannoha manna rosaano assate loosoꞌya woyyeessiꞌra dandeemmohu hiittoonniiti?’
SABBAKA
Mannu ninkewa daara agarantenni, “haaꞌraꞌnera hagiidhanno mancho [hasiisannonsare]” ninke hasa hasiissannonke. (Mt 10:11) Soqqammeemmo wote, xaandeemmo “manni”baalaho farciꞌrate faro hasiꞌneemmo? (Soq 17:17) Soqqamaasinchu Phaawuloosi diinaggaawe sabbakino daafira Liidiya rosaancho ikkitino.—Soq 16:13-15.
“Soodono wixi, hashsha geeshshano wixa agurtooti” (Ros 11:6)
SABBAKA “AGURTINOONTE”—SABBAKATE FULTINOONNIKKI WOTENNA MINUNNI MINE HADHINE, YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLLE:
Saamueeli loosu basera halaalu wixa wixate, baqqi yiinoha ikkinota leellishinohu hiittoonniiti?
Duuchunku garinni farciꞌrate qixxaawa hasiissannonkehu mayiraati?
Dilgokki assiꞌratto woyite lawishshaho loosu bayicho dancha duduwo ayeoora farciꞌra dandaatto?
ROSIISA
Manna rosaano assate, borro calla aatenni sainore assa hasiissannonke. Mannu ayyaanaamittetenni lophanno gede kaaꞌlate, galagalle marre hasaawisanna Qullaawa Maxaafa xiinxallisa hasiissannonke. (1Qo 3:6-9) Kayinni, Maganu Gashshooti halaale diinaggaambe rosiinsoommo manchi ayyaanaamittetenni lophalla giwi? (Mt 13:19-22) ‘Shaqqado baatto’ gedee wodani noonsare hasa diagurreemmo.—Mt 13:23; Soq 13:48.
“Ani kaasummo; Aphiloosi waa hayikkisi; lossinohu kayinni Maganoho.” (1Qo 3:6)
SABBAKA “AGURTINOONTE”— GUDUMAALEHONNA MANNA ROSAANO ASSE, YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLLE:
Salamooninna Meeri, Hiziqeelinna Abigayeeli wodani giddo noohu halaalu wixira waa hayikkissinohu hiittoonniiti?
Gudumaaleho hattono baalunku garinni farciꞌneemmo wote mixonke maa ikka hasiissannose?
Mannaho halaale rosiisate mageeshshi geeshsha diinaggaawa hasiissannonke?