Xaꞌmote Saaxine

◼ Qullaawa Maxaafa xiinxallinseemmo mancho xiinxallisa agura woyyitannohu mamooteeti?

Qullaawu Maxaafi rosaanchikki ayyaanaamittetenni lophannokkiha ikkiro, Qullaawa Maxaafa xiinxallisa hayyotenni agura woyyitanno. (Mat. 10:11) Heda hasiissanno coyibba: Qullaawa Maxaafa amaddinoonni dinye garinni xiinxallanno? Xiinxallote balaxe qixxaawanno? Songote gambooshshe daate woꞌnaalanno? Rosanni noo coye wolootaho kulanno? Qullaawu Maxaafihu xintu seeri garinni heeꞌrate mito coye biddi assiꞌranni no? Qoleno mittu manchi lopho leellishanno yanna dirisinna dandoosi garinni babbaxxitannota heda hasiissanno. Kayinni xiinxallisa agurtinanniha ikkiro, rosaanchu haja asse xiinxalla hasiꞌranno wote xiinxalla dandaannota afanno gede asse.—1 Xim. 2:4.