Soqqanshonke Isilanchimma Woyyeessiꞌra—Ayyaanaamittetenni Lophannokkiha Qullaawu Maxaafi Rosaancho Xiinxallisa Agura

HASIISSANNOHU MAYIRAATI? Mannu gatate Yihowa suꞌma woshsha hasiissannonsa. (Ro 10:13, 14) Ikkirono Qullaawa Maxaafa rosate sumuu yaannohu baalu Yihowa biddishshi garinni heeꞌra hasiꞌrannoha diꞌꞌikkino. Soqqammeemmo woyite Yihowa hagiirsiisate addinta heeshshonsa biddi assiꞌra hasidhannore kaaꞌlate muxxe yannanke woyyino garinni horoonsiꞌneemmo. Mittu Qullaawu Maxaafi rosaanchi ayyaanaamittetenni lophannokkiha ikkiro, hayyotenni iso agurre Yihowa isiwanna dirijjitesiwa dagganno gede assannore hanse kaaꞌlate sharrammeemmo. (Yoh 6:44) Ikkirono xiinxallisa agurrummo manchi galagale ‘hegere heeshsho afiꞌrate gara ikkitinoti wodanu dooꞌꞌo noosita’ leellishiro wirro Qullaawa Maxaafa xiinxallinseemmosi.—Soq 13:48.

TENNE ASSA DANDIINANNI GARA:

• Qullaawu Maxaafi rosaanchi halaalaancho egenno afiꞌra hasiꞌrinotera galattesi.—1Xi 2:4

• Rosinore loosunni leellisha mayi horo afidhinoro kullesi.—Lu 6:46-49

• Yesuusi wixu daafira kulino lawishshire hasaabbe; hattono agure badhera higanno gede assasira dandaannori maatiro xaꞌme.—Mt 13:18-23

• Qullaawa Maxaafa xiinxallisa agurattohu mayiraatiro hayyotenni kulisi

• Mito woyite silke dowwolte jawaachishattositanna albillitte ayyaanaamittetenni lophannoha ikkiro wirro Qullaawa Maxaafa xiinxalla hanafa dandaannota kulisi

AYYAANAAMITTETENNI LOPHANNOKKIHA QULLAAWU MAXAAFI ROSAANCHO XIINXALLISA AGURA YITANNO VIIDIYO LAꞌINI GEDENSAANNI AANTE NOO XAꞌMUWA XAꞌMI:

• Kuni hasaawi Qullaawu Maxaafi rosaanchi ayyaanaamittetenni lophanni nookkita leellishannohu hiittoonniiti?

• Halashshaanchu, Qullaawu Maxaafi rosaanchi mitore biddi assiꞌra hasiissannosita huwatanno gede kaaꞌlinosihu hiittoonniiti?

• Halashshaanchu, Qullaawu Maxaafi rosaanchi albillitte xiinxalla hasiꞌriro xiinxalla dandaannota leellishshinohu hiittoonniiti?