Yesuusi Woꞌmanka Dandaanno Maganooti?

Qullaawu Maxaafi mayyaanno?

Yesuusa gibbannori ‘Ateneeto Maganu ledo taashshootto’ yite kassassinosi. (Yohaannisi 5:18; 10:30-33) Ikkollana Yesuusi, ‘Ani Woꞌmanka Dandaanno Magani ledo taaloho’ yee horo diegennino. Hatteentenni isi, “Anniꞌya anewiinni rooranno” yiino.—Yohaannisi 14:28.

Hundiri Yesuusi rosaano iso Woꞌmanka Dandaanno Magani ledo taaloho yite diheddino. Lawishshaho soqqamaasinchu Phaawuloosi, Yesuusi reyotenni kaihu gedensaanni, “Maganu [Yesuusa] woꞌmunkura aliidi darga worisi” yee borreessino. Phaawuloosi, Yesuusi Woꞌmanka Dandaanno Maganooti yee ammanannokkiti egennantinote. Korkaatuno, Yesuusi wonanni Woꞌmanka Dandaanno Magano ikkiro, Maganu iso woꞌmunkura aliidi darga hiitto asse worannosi?