Maganu Heeꞌrannohu Mitto Bayichooti?

Qullaawu Maxaafi mayyaanno?

Ee, mitto bayichooti. Maganu heeꞌrannohu iimaati. Hanni aante noota Qullaawu Maxaafi qummeeshshuwa laꞌno:

Moote Selemooni huuccatto assanni togo yiino: “Iima gordoho heedhe huuccattosi macciishshi.”—1 Mootoolla 8:43.

Yesuusi Kiristoosi, rosaanosi Magano “Annanke Gordoho heeꞌrattohu” yite huuccidhanno gede rosiisino.—Maatewoosi 6:9.

Yesuusi reyotenni kaihu gedensaanni, “Maganu albaanni leellara yee gordo eino.”—Ibiraawoota 9:24.

Tini Qullaawu Maxaafi qummeeshshuwa, Maganu Yihowa base baalate heeꞌrannoha ikkikkinni mitto bayicho iima heeꞌrannoha ikkinota xawisse kultanno.