Qullaawu Maxaafi Giddo Kulloonnita Lawishshu Yaatto Huwata

Qullaawu Maxaafi giddo lowo xibbe ikkitannoti lawishshu yaatto no. Ikkirono Qullaawa Maxaafa nabbawannohu batinyu mannira tenne yaatto huwata qarra ikkitannonsa. (Mat. 13:13) Qullaawu Maxaafi giddo kulloonnita lawishshu yaatto huwatatto gede kaaꞌlannoheri maati? Aane noore assate woꞌnaali.

• Qara hedo hiitteetironna may ledo heewisiinsoonniro huwati. Lawishshaho, Ajuuja 3:3 Yesuusi daa (qara hedo) mooraanchu daa (heewisiinsanni heeꞌnoonnire) ledo heewisiinsoonni.

• Qara hedonna heewisiinsanni heeꞌnoonniri afiꞌrino xaadooshshe badi. Mitto coye wolu ledo heewisiinsoonnihu mayraatironna lamenka coye mitto assannonsari maatiro badde afate woꞌnaali.

• Lawishshu yaatto tiro huwatoottoro buuxi. Mito woyte lawishshu yaatto tiro garimale huwantammora dandiineemmo. Aleenni kulli lawishshira Yesuusi daannohu mooraanchu gede moorara diꞌꞌikkino. Hatteentenni qummeeshshu hedo Yesuusi mooraanchu gede kulikkinni hedeweelcho daannota leellishshanno.