Yihowa, lowo kume ikkanno dirinni hanafe soqqamaanosira hedosi addi addi afiinni kulanni keeshshino. Tini birxichuwa isi addi addi afoo coyiꞌrasi mannu ooso hasaawisannota hooltinosikkita buuxissanno. Qoleno, 2013nni haaroonsine qixxeessinoonnitino ikko wole Haaro Alame Tiro ittime Maganu suꞌma qullaawa assatenna fajjosi mannaho egensiisate baasa kaaꞌlitino gara laꞌneemmo.

Coyiꞌrate dandoo Maganu uyinonkete dhaggete eltooti. Kuni birxichi coyiꞌneemmo wote heda hasiissannonkeha sase coye kulanno. Qoleno, Yesuusi lawishsha harunsine tenne kaajja eltonke Maganu ayirranno gede assatenna woloota kaaꞌlate horoonsiꞌneemmo gara ronseemmo.

Ninke baalunku xiwammammora dandiineemmo; ikkina, Qullaawu Maxaafi giddo kulloonni hurre ma garinni laꞌꞌa hasiissannonke? Qoleno, mannu adhineemmo xagga lainohunni amaalannonke wote ma assa hasiissannonke? Kuni birxichi tenne xaꞌmuwara dawaro afiꞌneemmo gedenna uminke gara ikkinore doodhineemmo gede kaaꞌlannonke.