ROSO 25
Maganu Ninkera Hedinori Maati?
Qullaawu Maxaafi “Mannu heeshsho haranchote; iseno qarru woꞌminote” yaanno. (Iyyoobi 14:1) Ikkina Maganu hasiꞌrannohu togoo heeshsho heeꞌnammoraati? Hatto ikka hoogiro, isi ninkera hedinori maati? Isi hedinori woꞌmanno yanna dagga ikka? Hanni Qullaawu Maxaafi tenne xaꞌmuwara qolannota jawaachishshanno dawaro laꞌno.
1. Yihowa hiittoo heeshsho heeꞌnammora hasiꞌranno?
Yihowa hagiirru woꞌminota dancha heeshsho heeꞌnammora hasiꞌranno. Isi umi manna Addaaminna Heewani kalaqi woyite, biifado gannatera Edenete worinonsa. Hakkiinni “Maganu manna, ‘Ille ilamme, sirchiꞌne baatto woꞌmo; baattono kiꞌne gashshitinannita ikkito’” yee maassiꞌrino. (Kalaqama 1:28) Yihowa insa ooso iltara, uulla woꞌma gannate assitaranna saada towaattanni heedhara hasiꞌrino. Isi, mannu baalunku guuta ordu fayyimma afiꞌre hegerera heeꞌrara hasiꞌrino.
Xaa yannara kuni ikkanni nookkiha ikkirono,a Maganu kayinni hedinore diagurino. (Isayaasi 46:10, 11) Isi xaano owaatu manni guuta ikke hegerera heeꞌrara hasiꞌranno.—Yohaannisi Ajuuja 21:3, 4 nabbawi.
2. Xaa yannara hagiirru noo heeshsho heeꞌra dandiineemmohu hiittoonniiti?
Yihowa iso afanna magansiꞌra dandiineemmo gede, ‘qaalesi macciishshine hajajamate’ dandoo oye kalaqinonke. (Luqaasi 11:28 nabbawi.) Maganu, isi ledo muli jaaloomi heeꞌrannonke gede, ‘doogosi baala haꞌneemmo gede, banxeemmosi gedenna woꞌmu wodaninkenni soqqammeemmosi gede hasiꞌranno.’ (Marro 10:12; Faarso 25:14) Hatto assineemmoha ikkiro, qarru heeꞌrirono addu hagiirre afiꞌra dandiineemmo. Yihowa magansiꞌneemmoha ikkiro, isi hedino heeshsho heeꞌneemmo daafira hagiirraamma ikkineemmo.
LEDDE XIINXALLI
Yihowa ninke heeꞌnammora yee baatto kalaqi woyite bayira baxillesi leellishino garanna Qaalisi hagiirru noo heeshsho heeꞌrate kaaꞌlannori maati yaannoro rosi.
3. Yihowa mannu ooso hagiirru woꞌmino heeshsho heedhara hasiꞌranno
VIIDIYO laꞌe; hakkiinni aante noo xaꞌmo hasaabbe.
Maganu biifado uullanke kalaqinohu mayiraati?
Rosiisaancho 3:11 nabbabbe; hakkiinni aante noo xaꞌmo hasaabbe:
Kuni qummeeshshi kulanno garinni, Yihowa ninkera hedinori maati?
4. Yihowa ninkera hedinore diagurino
Faarso 37:11, 29 nna Isayaasi 55:11 nabbabbe; hakkiinni aante noo xaꞌmo hasaabbe:
Yihowa ninkera hedinore agurinokkita mayinni anfeemmo?
Amadooshshe baino mine gatamarre wirro biifisa dandiinanni. Hatteente gede, mannu doofaarsinota baattonke Maganu haaroonse baxxannosirira aanno
5. Yihowa magansiꞌra hagiirrunna harshammo noo heeshsho heeꞌneemmo gede assitannonke
Heeꞌneemmohu mayiraatiro afanke hagiidhineemmo gede assitannonke. VIIDIYO laꞌe; hakkiinni aante noo xaꞌmo hasaabbe.
Teruumi heeꞌneemmohu mayiraatiro rosase kaaꞌlitinosehu hiittoonniiti?
Rosiisaancho 12:13 nabbabbe; hakkiinni aante noo xaꞌmo hasaabbe:
Yihowa kiirre tunqannikkire assinonke daafira, galatu noonketa leellisha dandiineemmohu hiittoonniiti?
MITU MANNI TOGO YEE XAꞌMARA DANDAANNO: “Heeꞌneemmohu isi mayiraati?”
Ati tennera mayite qolatto?
XAPHISHSHA
Yihowa koye uullate aana hegerera guuta heeshsho heeꞌnammora hasiꞌranno. Woꞌmu wodaninkenni iso magansiꞌneemmoha ikkiro, xa nafa hagiirru noo heeshsho heeꞌra dandiineemmo.
Kageeshsha Rosoottore
Yihowa umo Addaamiranna Heewanira hedinori maati?
Maganu mannu oosora hedinore agurinokkita mayinni anfeemmo?
Hagiirrunna harshammo noo heeshsho heeꞌra dandaattohu hiittoonniiti?
EGENNO LEXXI
Edeni Gannate alba addinta noota ikkitinota leellishshanno taje huwati.
“Edeni Gannate Addinta Nooreetinso Maattotenna Masalote?” (Agarooshshu Shae, Arfaasa 1, 2011)
Baatto hegerera heedhanno yineemmohu mayiraatiro rosi.
“Albillitte Baatto Baꞌanno?” (Webisayitenkera fultino borro)
Qullaawu Maxaafi hagiirru noo heeshsho heeꞌrate daafira kulannore xiinxalli.
“Heeshshote Heeꞌneemmohu Mayiraati?” (Webisayitenkera fultino borro)
Baalunkuri nooe yee hedannohu mittu manchi heeshshosi giddo xeinori noota wodanchinohu hiittoonniitiro huwati.
Xa Hagiirrunna Harshammo Noo Heeshsho Heeꞌranni Noommo (3:55)
a Aananno rosira, xaa yannara heeshshonke hattoota ikkitinokkihu mayiraatiro rosatto.