GAFA 9

Uulla Gannate Ikkitannohu Mamarooti?

Uullate aana batiꞌrino qarri Maganu Mangiste daa rakkinota leellishanno. Luqaasi 21:10, 11; 2 Ximootewosi 3:1-5

Goofimarchu barra qarru bati’ranno, olu, dhibbu, sagalete anje, hajajama giwa finqille

Qullaawu Maxaafi yannankera ikkanni nooha batinynye coye balaxe masaalino. Mannu woxe baxannoha, annahonna amate hajajamannokkiha, kaajjadonna qawaaxxo baxannoha ikkanno yee masaalino.

Bayira uullate huxano, olu, hudenna xiwanu batiꞌranno yee Qullaawu Maxaafi masaalinori yannankera ikkanni no.

Mittu Yihowa Farci’raasinchi manchoho sabbakanni no

Ledeno Yesuusi, Maganu Gashshootihu danchu duduwi uulla woꞌmate sabbakamanno yiino.—Maatewoosi 24:14.

Maganu Mangiste bunshe baala huntanno. 2 Pheexiroosi 3:13

Bushuullu Argamagedooni olinni ba’ino gedensoonni Sheexaanenna agaanintesi qorichinshoonni

Yihowa muli yanna giddo busha manna baala hunanno.

Sheexaanunna agaaninte qorichcha adhitanno.

Maganu yaannore macciishshitannori kayinni gatte, xalalle woꞌmitinota haaro alame eꞌanno. Hatti alame mannu mittore waajjikkinni, hattono baxillunninna mimmito ammane heeꞌrannote.