Sheexaaneho Ikkikkinni, Yihowara Soqqami

Baalinkera doorshu noonke. Yihowara woy Sheexaanehonna durriissasira soqqama dandiineemmo. Lamenka doodha didandiineemmo. Yihowara soqqama lowo geeshsha busullete!

Yihowa Dancha Maganooti

Duriissa manna gawajjanna sorisiisa hagiirsiissannonsata laꞌnoommo. Yihowa kayinni dihattooho. Annu oososi baxanno gede asse isi mannu ooso baala baxanno. Isi “dancha eltonna woꞌmu atooti duuchchu” buichchooti. (Yaaqoobi 1:17) Lowo waaga xaꞌmannosiha nafa ikkiro, mannu oosora danchare aate badhera dihiganno.—Efesooni 2:4-7.

Maganu Beetti Yesuusi uullate aana assinore wodanchi. Duuddichchu coyirannonna ballichchu laꞌꞌanno gede assino. Dhiiggaammanna laanshaawoota hursino. Durriissa fushshinonna xisso duuchcha hursino. Yesuusi Maganu wolqanni, reyitinore nafa kayisino.—Maatewoosi 9:32-35; 15:30, 31; Luqaasi 7:11-15.

Maganu kaphpho coyire ninke disorisiisanno, ayee woteno halaale coyiranno. Isi horonta ayeeno didoganno.—Zehulqu 23:19.

Batte Ikkinorinni Xeertidhe

Qiissanete mini teennichcho sarraaqe amadanno gede miliyoonetenni kiirranni manni busha ayyaanna ledo xaadu noo budinninna kaphphunni sarraaqamino. Reyitinorenna durriissa waajjanno. Rumo, quraama, digintenna ayyaanto kultanno barra waajjanno. Sheexaanu Daawuloosi kaphphinni xintamino budinninna ammaꞌnanni saraaqantino. Maganu soqqamaano kayinni, togoo ikkito giddo mittete nafa disarraaqantino.

Yihowa Sheexaanunni roore wolqaataamooti. Ati Yihowara soqqamattoha ikkiro, durriissate gawajjonni agarannohe. (Yaaqoobi 4:7) Diginte ate aana diloossanno. Lawishshu gedera Nayijeeriyaaho, sasu egennantino kiilaano mittu Yihowa Farciꞌraanchi katama agure fula giweenna shitara diginte daggantusi. Diginte loosa gibbuta kiilaanote giddo mittu waajje Farciꞌraanchunniwa mare maaro xaꞌmirino.

Durriissa qarrissannoheha ikkiro, Yihowa suꞌma woshsha dandaatto, isino agarannohe. (Lawishsha 18:10) Ikkollana Maganu agarooshshi heeꞌrahera hasiꞌrittoro, busha ayyaanna ledo fiixooma afidhino ikkitonninna durriissa magansiratenni xeertira hasiissannohe. Biꞌre Efesooni heedhanno manni Magano magansirate yite hatto assitino. Kiiltanno maxaaffa gamba assite giirtino. (Soqqamaanote Looso 19:19, 20) Yannankerano Maganu soqqamaano hatto assa hasiissannonsa. Bushurinni “agaranno” yinannirichchinni quraama wodhate, digintete, barra layirate, kiilate horoonsiꞌnanni maxaaffanninna busha ayyaanna ledo fiixoomu noo ayee ikkitonni umokki keereensi.

Halaalu Magansira Millimmo Beeqqi

Magano hagiirsiisa hasiꞌrittoro, kaphphu magansiranni xooqanna bushare assa agura calla diꞌꞌikkitanno. Halaalaancho magansira millimmora jawaantete beeqqa hasiissannohe. Qullaawu Maxaafi tini millimmo maatiro xawisanno:

Yihowa Farciꞌraasine Ledo Jaaloomi

Sheexaanehonna durriissate uullate aana bunshe rosiissannonna assitanno daga noonsa. Yihowarano umisi daga noosi. Insano Yihowa Farciꞌraasineeti. (Isayyaasi 43:10) Uullate aana, lee miliyoone saꞌanno Farciꞌraasine no. Baalunku danchare assatenna mannaho halaale rosiisate jawaattanno. Batinynye gobbara, Mangistete harira afattonsa. Hakkono hagiirrunni koyissannohe.

Loosinsa wolootu Maganoho soqqantanno gede kaaꞌlate. Yihowa halaalunni hiittoo magansirattoro afatto gede kaaꞌlitahera, minekki dagge Qullaawa Maxaafa rosiisate fajjaameeyyete. Konnira baatattori dino. Farciꞌraasine mannanna Yihowa baxxanno daafira halaale rosiisa hagiirsiissannonsa.