Yesuusi Kaonni Kayise Phaawuloosi Usurami Geeshsha

Yesuusi reyihunni sayikkita kai. Reyotenni kai barra, rosaanosira onte hige leellino. Yesuusi insara 40 barri geeshsha duuchchaage leellino. Hakkiinnino gama rosaanosi laꞌanna iimira haꞌri. Tonnu barri gedensaanni, Maganu Yerusaalamete agartanni noorira Yesuusi rosaanora qullaawa ayyaana dirrisi.

Gedensaanni Maganu diinna, hawaariyaate usuru minira eessitu; mittu sokkaanchi kayinni usuru mininni fushshinsa. Yesuusi rosaancho Isxifaanoosi diinna kinnatenni gante shitu. Ikkollana Yesuusi tenne diinna giddo mitto hiitto asse doodhinoronna, hakku manchi hiitto ikke hawaariya Phaawuloosi ikkinoro ronseemmo. Hakkiinnino, Maganu Yihudootu wido ikkinokkihura Qornelewoosiranna maatesira farciꞌranno gede hawaariya Pheexiroosi soyi; kuni ikkinohu Yesuusi reyihunni sasu dirinna daratu gedensaanniiti.

Tonaasasu diri gedensaanni, Phaawuloosi umita farciꞌrote harinshosi hanafi. Layinkita farciꞌrara haꞌri wote Ximootewosinni xaadino. Phaawuloosinna ledosi hadhinori Maganoho soqqantu yannara lowo hagiirre hiittonni afidhinoro ronseemmo. Goofimarchoho Phaawuloosi Roomu katamira usuramino. Lamu diri gedensaanni tidhamino, ikkollana galagalle usurre shinoonnisi. Lamalki GAFI 32 diri xagge amaddino.